تورکیه مطبوعاتی اؤزتی 03.06.2014
ایستار قزئتی ، "فیلیسطینده تاریخی موقاویله" باشلیقلی خبرینده ، حماس ایله الفتح تشکیلاتلارینین راضیلاشماسی سونراسیندا میللی بیرلیک حکومتینین رسمی اولاراق قورولدوغونو یازیر. قزئت ، واریلان میللی راضیلاشما چرچیوهسینده قورولان میللی بیرلیک حکومتینین ناظیرلرینین رام اللهده دولت باشقانی محمود عباسین قارشیسیندا آند ائتدیگینی ایفاده ائدیر. قزئت ، غزهدکی اسکی فیلیسطین حکومتینین باش ناظیری اسماعیل هنیهنین ایسه ایلک ایشین غزهنین یئنیدن دوزلدیلمهسی و محاصیرهنین قالدیریلماسی اولدوغونو ایفاده ائدهرک غزهیه دستکلرینی گؤره تورکیه ، قطر و میصیرین دا آرالاریندا اولدوغو اؤلکهلره تشککور ائتدیگینی یازیر.
یئنی شفق قزئتی، " مولدووا و بلاروس ایله ویزاسیز دؤور باشلادی" باشلیقلی خبرینده، تورکیهنین ائتدیگی راضیلاشمالار نتیجهسینده ویزاسیز سیاحت ائدیلن اؤلکه سایسینین گئتدیکجه آرتدیغینی یازیر. قزئت ، سون اولاراق خاریجی ایشلر ناظیرلیگینین، ایمضالانان ایکیطرفلی راضیلاشمالار سونراسی بلاروس و مولدووا ایله ویزانین قالخدیغینی بیلدیردیگینی یازیر. خبرده، خاریجی ایشلر ناظیرلیگیندن ائدیلن آچیقلامادا سؤز موضوعسو موقاویلهلرین اؤلکهلر آراسی امکداشلیغین اهمیتلی بیر سمبولو اولدوغونا دقت چکیلدیگینی ایشاره ائدیلیر.
آخشام قزئتی، ASKON-ون (آنادولو آسلانلاری ایش آداملاری درنکی ) دعوتی ایله تورکیهیه گلن استراتفور قوروجوسو جورج فریدمنین ، "گلهجک 100 ایل " آدلی کیتابیندا تورکیهنین بولگهسل گوج اولاجاغیندان بحث ائتدیگینی و بو گون تورکیهنین گلدیگی وضعیتین اؤزونو حاقلی چیخارتدیغینی سؤیلهدیگینی یازیر. قزئت، فریدمنین، تورکیهنین بؤیومهسینین یانیندا ایچریده و چؤلده سیاسی یئتکینلیگینی و بؤلگهده نیظامی گوجونون آرتیر اولماسینین چوخ اهمیتلی اولدوغونو وورغولادیغینی ایفاده ائدیر. خبرده، بو آندا تورکیهنین آوروپانین ان دینامیک اقتیصادی اولدوغونو ایفاده ائدن فریدمنین، "سون درجه بالانسلی بیر اقتیصادین وار" شکلینده دانیشدیغی یازیلیر.
خبرتورک قزئتی، بودرومدا صاباح ائدیلهجک تورک دولتلری توپلانتیسینا قاتیلان اؤلکهلرین اوست سویه بوروکراتلارینین، سوپر لوکس 2 یاتلا گزینتی ائتدیگینی ایفاده ائدیر. قزئت، بعضی دیپلوماتلارین تعطیللرینی ده بودروم و گؤکووادا یاتدا کئچیرهجکلرینی یازیر.
یئنی شفق قزئتی ، دیانت ایشلری باشقانلیغینین، 2013 779 آدامین ایسلامیتی سئچدیگینی آچیقلادیغینی ایفاده ائدیر. قزئت، حاضیرلانان معلوماتلارا گؤره ان چوخ قادینلارین مسلمان اولدوغونو یازیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.