تورکیه مطبوعاتی اؤزتی 01.06.2014
ایستار قزئتی، "10 آوقوست میلاد اولا‌جاق" باشلیغینی ایستیفاده ائده‌رک، باش ناظیر رجب طیب اردوغانین، 10 آغوستوستاکی پرزیدنت سئچیم‌لری‌نین تورکیه دموکراسیسی اوچون چوخ اهمیت‌لی بیر مرحله اولاجاغینی و "کیم سئچیلیبسه سئچیلسین تورکیه 2023 هدف‌لرینه دوغرو گئده‌جک" دئدیگینی یازیر.
خبرده، باش ناظیر اردوغان "میللته خیدمت یولوندا" چیخیشیندا، 10 آوقوست سئچیم‌لری اوّلینده، بعضی‌لری‌نین تکرار چیرک‌لی حساب‌لارین ایچینه گیره بیله‌جگینی خاطیرلادا‌راق، "سیزلر، امینم کی، بو تحریک‌لره دقت ائتمه‌یه‌جک، صاندیغا گئده‌جک، آزاد ایراده‌نیزله تورکیه جمهوریتی‌نین پرزیدنتینی بلیرلییه‌جکسینیز." شکلینده دانیشدیغی یازیلیر .
یئنی شفق قزئتی، "ماوی مارمارا اوچون اینسان سئلی" باش‌لیق‌لی خبرینده، غزه‌یه اینسانی یاردیم آپاران و اولوسلار آراسی سولاردا ایسراییل عسگرلری‌نین سالدیریسینا اوغرایان ماوی مارمارا کؤمک گمی‌سینده شهید ائدیلن 10 کؤمک گؤنوللوسونون آدلاندیغینی یازیر. خبرده، قیرغینی‌نین 4.-جی ایلده 10 شهید اوچون مین‌لرله اینسانین ایستانبول سلطان احمد مسجیدی میدانیندا توپلاندیغینا یئر وئریلیر.
قزئت، ماوی مارمارا شهیدلری اوچون وطنداش‌لارین همیشه بیر آغیزدان تکبیر گتیره‌رک دعا ائتدیگینی، گئدیشه تورکیه عمومی‌سین‌دن گلن مین‌لرله وطنداشین قاتیلدیغینی کؤچورور.
صاباح قزئتی، "فرانسادا لو پن عصیانی" باش‌لیق‌لی خبرینده، فرانسیزلارین 3-ده 2سی‌نین، آوروپا پارلامنتی سئچیم‌لرین‌دن غالیبیتله چیخان آشیری ساغچی لیدر لو پن تهدید اولا‌راق گؤردوگونو یازیر.
قزئت، آوروپا پارلامنتی سئچیم‌لرینده گؤزلنیلن‌دن چوخ سس آلان آشیری آرتیق ساغچی پارتی‌لرین یوکسلیشی‌نین، کوزموپولیت اها‌لییه صاحب آوروپا بیرلیگی اؤلکه‌لرینی نیگران ائتدیردیغینی. فرانسیزلارین مارین لو پن غالیبیتینی "ناراحات‌لیق وئریجی" اولا‌راق حسابلارکن، اینگیلتره‌ده ساغچی بیرلشمیش کرال‌لیق مستقیل‌لیک پارتیسی‌نین موفقیتی‌نین موقتی اولاجاغی‌نین اومولدوغونو ائشیتدیریر.
خبرده، فرانسا، اینگیلتره، آلمانیا، اوتریش، دانمارک و فینلاند کیمی اؤلکه‌لرده آورپا علیهداری و ساغچی پارتی‌لرین، آوروپا بیرلیگیندکی کورسو سایسینی آرتیردیغینا و سوسیال مئدیادا سس‌لرینی ائشیتدیرن بیرلیک طرفدارلاری‌نین آشیری ساغین گؤچمن علیهداری سیاست‌لرینه تنقیدلر یؤنلتدیگینی، پاریس‌ده تشکیل ائدیلن گؤستری‌ده آوروپا بیرلیگی طرفدارلاری‌نین " سئوگی‌لی آوروپا، عذر ایستییریک "پانکارت چیخاردیغینا یئر وئریلیر.
میللیت قزئتی "کؤچری ایش آدام‌لاری" باش‌لیق‌لی خبرینده، ایلک 3 آیدا خاریجی‌لرین تورکیه‌ده 1141 شیرکت قوردوغونو یازیر.
خبرده، تورکیه‌نین، خاریجی یاتیریمچیلار اوچون اعتبارلی بیر لیمان اولدوغونو سؤیله‌ین گؤمروک و تیجارت ناظیری حیاتی یازیجی‌نین، ژانویه-مارس دؤورونده 199 آنونیم شیرکت و 78 فرق‌لی اؤلکه‌دن 942 محدود شیرکت اولماقلا جمعی مین 141 خاریجی سرمایه‌لی شیرکت قورولدوغونو آچیقلادیغینا یئر وئریلیر.
قزئت، ناظیر یازیجی‌نین تورکیه‌یه سرمایه قویان خاریجی شیرکت‌لرین جمعی سرمایه میقداری‌نین 213 میلیون تلنین اوزرینده اولدوغونو دویوردوغونو یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
