تورکیه مطبوعاتی اؤزتی 31.05.2014
یئنی شفق قزئتی، "شاها قالدیران آنلاشما" باشلیقلی خبرینده، تورکیه پتروللاری آنونیم اورتاقلیغینین (تپاو) فرانسا انرژی شیرکتی توتالین شاهدنیز پروژهسیندهکی یوزده ۱۰ پایینی آلاراق پایینی یوزده اون دوققوزا چیخاران آنلاشمانین ایمضالاندیغینی یازیر.
قزئتین وئردیگی خبره گؤره، باشباخان رجب طیب اردوغان، تورکیهنین شاهدنیز طبیعی گاز استخراج ساحهسی و ترانس آنادولو طبیعی گاز بورو خطی پروژهسینه (تاناپ) اورتاقلیغینین آرتیریلماسینا باغلی آنلاشمادا یئر آلان خصوصلاردان اؤزللیکله ایکیسینین تورکیه و شیرکتلر باخیمیندان بؤیوک اؤنم داشیدیغینی ایفاده ائتدی. اردوغان، "بونلاردان بیری بوتاش تاناپ بورو خطینده یوزده ۲۰ اولان پایینین یوزده اوتوزا چیخاریلمیش اولماسیدیر. ایکینجیسی ده تورکیه پتروللاری آنونیم اورتاقلیغینین شاهدنیز ساحهسیندکی پایینین یوزده دوققوزدان یوزده اون دوققوزا یوکسلمیش اولماسیدیر" دئدی.
وطن قزئتی، "آغ ائو سؤزچوسو جی کارنی وظیفهسیندن استعفا ائتدی" باشلیغینی ایستیفاده ائدهرک، آمریکا آغ ائو سؤزچوسو جی کارنینین، وظیفهسیندن استعفا ائتدیگینی یازیر.
خبرده، جکارنینین استعفا قرارینین آمریکا پرزیدنتی باراک اوباما طرفیندن آچیقلاندیغی، آنجاق باشکند واشینگتوندا سورپریز اولان استعفانین آیرینتیلارینین هله آچیقلانمادیغی یازیلیر.
ایستار قزئتی، "مجلیسدن معدنچیلری سئویندیرهجک حمله" باشلیقلی خبرینده، معدنچیلر اوچون کؤکلو اصلاحاتلارین یئر آلدیغی یاسا تاساریسینین مجلیسه گلدیگینی یازیر.
خبرده، تاساریدا معدنچیلرین ایش، ایجازه، اؤدنیش، داواملیلیق و باشقا حاقلاری یئنیدن دوزنلهنهرک، اذن حاقلارینین آرتدیغی، ایش ساعاتلارینین ایسه آزالدیغی، ٥٥ اولان امکلیلیک یاشینین اللییه ائندیریلدیگی، آراچی شیرکتلرده چالیشان ایشچیلره اؤدنهجک اجرت و تامین ائدیلهجک باشقا سوسیال حاقلارین، اصل ایش وئرهنین بنزر ایشی ائدن ایشچییه اؤدهدیگیندن آز اولمایاجاغی کیمی قونولارین اؤن گؤرولدویو یازیلیر.
حریت قزئتی "دووارلاری یالاماق قاداغان" باشلیغینی ایله بولیویده بیر میلیون مکعب دوزدان دونیانین ایلک دوز هتلینین اینشا ائدیلدیگینی یازیر.
قزئت، گونئی آمئریکا اؤلکهسی بولیوینین دوز معدن یاتاقلاریندان، دونیانین ان زنگین بؤلگهلریندن سالار ده اویونی دوز گؤلو یاخینلاریندا اینشا ائدیلن دوزدان هتلین بؤیوک ماراق اویاندیردیغینی یازیر.
خبرده، یاتاقلاریندان، بارینا و رستورانینا قدر هر یئرین دوز مکعبلری ایله قابلی اولدوغو هتلده، گئرچکلیگینه اینانماقدا چتینلیک چئکنلر اوچون بئله اولسا دیوارلاری یالامانین کسینلیکله قاداغان اولدوغو یازیلیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718780448)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.