تورکیه مطبوعاتی اؤزتی 30.05.2014
یئنی شفق قزئتی، "غرور دویدوق" باش‌لیغی آلتیندا یاییم‌لانان خبرینده، باشباخان رجب طیب اردوغانین، ایزمیرده دونیانین ان بؤیوک مانورلاریندان افس- ۲۰۱٤ مانورونا قاتیلدیغینی ایفاده ائدیر. قزئت، اردوغانین، بیر چوخو یئرلی مالی سلاح‌لارلا یئریدیلن ساواش اویونونو ایزلدیگینی بیلدیریر.
آخشام قزئتی، "ایلک اوچ آیدا آچیلان شیرکت ساییسی ۱٥ مینی آشدی" باش‌لیق‌لی خبرینده، گؤمروک و تیجارت باخانی حیاتی یازیجی‌نین، تورکیه‌ده بو ایلین ایلک دؤردده‌بیرینده قورولان شیرکت ساییسی‌نین ۱٥ مین ۷۱۳ه چاتدیغینی سؤیلدیگینی ایفاده ائدیر. قزئت، یازیجی‌نین، قورولان شیرکت ساییسی‌نین، گئچن ایلین عینی دؤورونه گؤره یوزده ۲۰ آرتدیغینا ایشاره ائتدیگینی یازیر.
صاباح قزئتی‌نین اقتصا صحیفه‌سینده یاییم‌لانان "یونان بانک‌لارینا تورک ایمضاسی" باش‌لیق‌لی خبرده، مالی رویزیونا گیرن یونان بانک‌لاری‌نین آلت یاپسینی دا تورک‌لرین یاپدیغینی یازیر. قزئت، تورک ایننووا فیرماسی‌نین، ۹۰۰ شعبه‌لی یونان پیرائوس بانکین کیوسک‌لارینی یاپدیغینی ایفاده ائدیر.
خبرتورک قزئتی، "اینشات سئکتورو بو آی دا سرعتلی" باش‌لیغی آلتیندا یاییم‌لانان خبرینده، تورکیه‌ده هر گئچن ایل بؤیومه‌سینی داوام ائتدیرن تیکینتی سئکتورونون، ۲۰۱٤ ایلینی دا سون درجه آکتیو گئچیردیگینی وورغولاییر. قزئت، یالنیز بو آی ایچینده ۱٥ یئنی پروژه‌نین تانیتیمی ائدیلرکن، ژوئن آییندا دا یئنی پروژه‌لرین تانیتیم‌لاری اوچون گون ساییلدیغینی یازیر.
خبرتورک قزئتی، "دونیادا ۱.٥ میلیارد اینسانین ایشی یوخ" باش‌لیق‌لی خبرینده، اولوسلارآراسی چالیشما هؤرگوتونون سون راپورونا گؤره، قالخینمانین آستاناسیندا اولان و گلیشمکده اولان اؤلکه‌لرده اقتصادی یاخشیلاشمانین گؤزلندیگینی، آنجاق اؤلکه‌سینی ترک ائدن‌لرین ساییسی‌نین دا آرتدیغینی ایفاده ائدیر. قزئت، ایشسیزلیک رقم‌لرینه گلینجه دونیا اوزرینده ۱،٥ میلیارد اینسانین دوزنلی بیر ایش و سوسیال سیگورتا اولما‌دان یاشادیغینا ایشاره ائدیر. قزئت، هؤرگوت دونیا استخدام راپوروندا گونده ۲ دو‌لاردان داها دوشوک اؤدنیشه چالیشان‌لارین ساییسی‌نین ۸۳۹ میلیون اولا‌راق آچیقلاندیغینی یازیر. خبرده، هؤرگوت مودورو گوی ریدرین، بو رقمی "قورخودوجو درجه‌ده یوکسک" اولا‌راق دگرلندیردیگینه ایشاره ائدیلیر.
ایستار قزئتی، "دونیانین ان اسکی دیش ایمپلانتی" باش‌لیق‌لی خبرینده، فرانسادا ائدیلن قازی‌لاردا آرکئولوگ‌لارین چاشدیریجی تاپقی‌لارا چاتدیغینی یازیر. قزئت، م. اؤ ۳.جو عصر دؤورونه عاید بیر قادین جسدینی آراش‌دیران متخصص‌لرین تاخما دیش تاپدیغینی یازیر. خبرده دیش ایمپلانتی‌نین، دمیر چاغینا عاید بیر قادین ایسکلتیندن چیخدیغی ایفاده ائدیلیر. قزئت، اؤلدوگونده ۲۰-۳۰ یاش آرالیغیندا اولدوغو تثبیت ائدیلن قادینین اوست کسیجی دیشی‌نین یئرینده دمیر بیر چیوی اولدوغونو ایفاده ائدیر. قزئت، چیوینین آغاج و یا سوموک‌دن یاپیلان بیر تاخما دیشی توتماق اوچون ایستیفاده ائدیلمیش اولابیلجیی و زامانلا چوروین دیشین یئرینده قالدیغینی ایفاده ائدیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
