تورکیه مطبوعاتی اؤزتی 29.05.2014
ایستار قزئتی، "ارمنیستان ۲ آذربایجان عسگری شهید ائتدی" باشلیقلی خبرینده، آذربایجان - ارمنیستان سرحدینده ارمنیستان عسگرلری طرفیندن ائدیلن آتیش نتیجهسینده ۲ آذربایجان عسگرینین شهید اولدوغو، ۱ عسگرین ایسه آغیر یارالاندیغینی ایفاده ائدیر. قزئت، آذربایجان ساوونما باخانلیغیندان وئریلن آچیقلامادا جبهه خطینین فضولی بؤلگهسینده ارمنی کشف بیرلیگی عسگرلرینین، آذربایجان عسگرلرینه آتیش آئتدیگینین ایفاده ائدیلدیگینی یازیر.
آخشام قزئتی، "بیرلشمیش میللتلر ایستانبول دئدی" باشلیغی آلتیندا یاییملانان خبرینده، ایستانبول بؤیوکشهر بلدیه باشقانی قدیر توپباشین، نیویورکدا بیرلشمیش میللتلر تشکیلاتینین باش کاتیبی بان کی موون ایله گؤروشدوگونو ایفاده ائدیر. ایکیلی ذیروهدن ایستانبولا گؤزل خبر چیخدیغینی یازان قزئت، ۲۰۱٦ دونیا انسانی یاردیم ذیروهسینین ایستانبولدا ائدیلهجیینی یازیر.
ایستار قزئتی، "کویت ایله ویزالار قالدیریلدی" باشلیقلی خبرینده، تورکیهدن کویته گیریشلرین ویزاسیز اولاجاغینی بیلدیریر. قزئت، ایکی اؤلکه آراسیندا ایمضالانان آنلاشما چرچیوهسینده دیپلوماتیک، اؤزل و خیدمت پاسپورتو صاحبلرینین ویزاسیز و هزینه اؤدمهدن، ایلک گیریش تاریخیندن اعتباراً ٦ آی ایچینده ۹۰ گونو آشمایاجاق شکیلده داواملی و یا مختلیف قالما دؤنملری اوچون سیاحت ائدیلهبیلجیینی ایفاده ائدیر.
یئنی شفق قزئتی، "تورک هاوا یوللارینین یورد دیشینداکی ایلک سیآیپیسی موسکوادا" باشلیقلی خبرینده ، تورک هاوا یوللارینین، تورکیه دیشینداکی ایلک سیآیپی یولچو سالونونو موسکوادا آچدیغینی ایفاده ائدیر. قزئت، اولوسلارآراسی ونوکووو هاوالیمانینداکی "ایستانبول لاونجج" سیآیپی سالونونون آچیلیشینا تورک هاوا یوللاری یؤنهدیم قورولو باشقانی حمدی توپچو و هاوالیمانی یؤنهدیجیلرینین یانیندا چوخ ساییدا قوناغین قاتیلدیغینی یازیر.
صاباح قزئتی، "ایستانبول گؤیلرینده چیلغین چترچیلر" باشلیقلی خبرینده، پروبیس وورلد کاپ- ۲۰۱٤ون ایلک آیاغینین ایستانبولدا دونن باشلادیغینی ایفاده ائدیر. قزئت، ۱۸ اؤلکهدن ۸ی قادین ٦٥ چترچینین، آوروپانین ان یوکسک بیناسی ایستانبول سفیرده اؤزلرینی ۲۳٦ متردن بوشلوغا بوراخدیغینی یازیر. قزئت، اسپورچولارین یارینا قدر هم بیر بیرلریله یاریشاجاغینی هم ده ایستانبولون دویومسوز منظرهسینی گؤرمه فورصتی تاپاجاغینا ایشاره ائدیر. قزئت، یاریشمانین بوندان سونراکی آیاقلارینین نروژ، سوئیس و تورکیهده ارزینجان کمالیه اولاجاغینی ایفاده ائدیر.
خبرتورک قزئتی، "سابانجی، ان گوجلو ٦۰.جی قادین اولدو" باشلیقلی خبرینده، سابانجی هولدینگ یؤنهدیم قورولو باشقانی گولر سابانجینین، فوربئس درگیسینین ۲۰۱٤ون ان گوجلو قادینلاری لیستهسینده ٦۰.جی سیرادا یئر آلدیغینی ایفاده ائدیر. قزئت، لیستهنین بیر نؤمرهسینین گئچن ایل اولدوغو کیمی آلمانیا باشباخانی آنگلا مرکل اولدوغونو یازیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718809601)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.