تورکیه مطبوعاتی اؤزتی 28.05.2014
خبرتورک قزئتی، "ال آچیقلیغینیز چوخ دگر‌لی" باش‌لیق‌لی خبرینده، جمهورباشقانی عبدالله گولون، بیرگونولویونه تورکیه‌یه گلن نروژ خاریجی ایشلر باخانی بورگه برنده ایله گؤروشدوگونو ایفاده ائدیر. قزئت، برنده‌نین، تورکیه‌نین سوریه‌ده‌کی ایچ ساواش‌دان قاچان سوریه‌لی‌لره قارشی آچیق اللیلیگی‌نین چوخ دگر‌لی اولدوغونو سؤیلدیگینی یازیر. خبرده، برنده‌نین، "تورکیه، سوریه‌ده‌کی بحرانا سیاسی چؤزوم تاپماق اوچون آچار بیر اویونچودور" شکلین‌دکی سؤزلری یازیلیر.
یئنی شفق قزئتی، "بروکسل آلت اوست اولدو" باش‌لیغی آلتیندا یاییملانان خبرینده، آوروپا‌داکی سئچیم‌لرین یول آچدیغی سیاسی زلز‌له‌نین شوکونون سوردوگونه دقت چئکیر. قزئت، آ.ب عضوو ۲۸ اؤلکه‌دکی سئچیم ماراتونوندا ایسلام فوبی یان‌لی‌لاری و گؤچمن قارشیدی عیرقچی‌لارلا آ.ب‌یه قارشی چیخان میللتچی و رادیکال سول پارتیلرین باشاریسین‌دان سونرا قورخویا قاپیلان آ.ب لیدئرلری‌نین، 'زیان تثبیتی' اوچون بروکسلده اولاغان اوستو توپلاندیغینی ایفاده ائدیر. قزئت، ذیروه‌دن اؤنجه دانیشان و ایلک اؤزائلئشدیرینی گتیرن فرانسا پرزدنتی فرانسوا اوللاندین، آوروپا بیرلیگی‌نین یئتکی‌لرینی آزالتماسی لازیم اولدوغونو سؤیلدیگینی یازیر. قزئت، اوللاندین، "آوروپا ساده، آچیق اولما‌لی، وارلیق گؤسترمه‌سی و چئکیلمه‌سی لازیم اولان یئرلری بیلمه‌لی‌دیر. آوروپا بیرلیگی، یورو بؤلگه‌سین‌دکی بحرانی مغلوب ائتدی. اما نه باهاسینا؟ کمر سیخما تدبیرلری اینسان‌لارین اومودلارینی قیردی" دئدیگینی یازیر. خبرده آلمانیا باشباخای آنگلا مرکلین ده اؤنجه‌لیگین اقتصادی گوجلندیرمک اولدوغونو وورغولادیغینا ایشاره ائدیلیر.
آخشام قزئتی‌نین اقتصاد صحیفه‌سینده یاییملانان "هیلتی تورکیه‌نی مرکز سئچدی، ۲۰۱۳ده یوزده ۳٤ بؤیودو" باش‌لیق‌لی خبرده کوبود تیکینتی، اینجه ایشلر، مکانیک، الکتریک، انرژی و صنایع سئکتوروندا چالیشان پروفسیونل‌لره محصول و خیدمت‌لر سونان هیلتی تورکیه‌نین یوزده ۳٤ بؤیودوگو یازیلیر. قزئت، ۱۲۰دن چوخ اؤلکه‌ده فعالیت گؤسترن، ۱۷ ایلدیر ده تورکیه بازاریندا اولان هیلتی‌نین، سون ۳ ایلدیر تورکیه افیسینی اورتا آسیا و عراق‌دان سورملو مرکز کیمی سئچمیش دورومدا اولدوغونو ایفاده ائدیر. خبرده هیلتی اورتا آسیا و تورکیه مودورو محمدجیک قالای‌ین، "۲۰۱۳ تیکینتی سئکتورو یوزده ۷.۱ بؤیورکن هیلتی یوزده ۳٤ بؤیودو" دئدیگینی یازیر.
ایستار قزئتی، "ایتالیالی‌لاردان بؤیوک درمان یاتیریمی" باش‌لیق‌لی خبرینده، تورکیه‌ده ۲۰۰۸.جی ایلدن بو یانا فعالیت گؤسترن ایتالیا مرکزلی درمان شیرکتی رکورداتی‌نین، تکیرداغ چرکزکؤی اورگانیزه صنایع بؤلگه‌سینده تخمینا ٥۰ میلیون دو‌لارلیق تاسیس تملینی آتدیغینی یازیر. قزئت، یئنی اوره‌دیم تاسیسینده توپلام قاپالی ساحه‌نین تخمینا ۱۸ مین مربع متر اولا‌راق پلانلاندیغینا و فابریکانین یاپیمی‌نین ۲۰۱٥.جی ایلده بیته‌جیینه ایشاره ائدیر.
صاباح قزئتی‌نین مدنیت-صنعت صحیفه‌سینده یاییملانان "فیلم باشینا اورتالاما ۲۳ اؤدول" باش‌لیق‌لی خبرده، کن‌ده قیزیل پالمیه قازانان "قیش یوخوسو"نون یؤنه‌دمنی نوری بیلگه جئیلانین، بو گونه قدر چئکدیگی ۷ فیلمله ۱٦٦ اؤدول آلدیغی بیلدیریلیر. قزئت، جئیلانین فیلم باشینا اؤدول اورتالاماسی‌نین ۲۳ اولدوغونو یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
