تورکیه مطبوعاتی اؤزتی 27.05.2014
یئنی شفق قزئتی، "آوروپا کابوسو اویاندی" باش‌لیغی آلتیندا یاییم‌لانان خبرینده، آ.ب عضوو ۲۸ اؤلکه‌ده ائدیلن آوروپا پارلمانی سئچیم‌لرینه، ایسلام قاشیدلاری، آ.ب قارشیدی آشیری ساغ و سول پارتیلرین دامغا ووردوغونو ایفاده ائدیر. قزئت، اقتصادی بحرانی سوووش‌دورابیلمه‌دن سیاسی زلز‌له یاشایان آ.ب‌نین، سس‌سیز قالدیغی عیرقچی‌لیقلا اوز اوزه اولدوغونو وورغولاییر.
صاباح قزئتی، "ایسراییل‌لی قوموتان‌لارا یاخلاما قراری" باش‌لیق‌لی خبرینده، ماوی مارمارا دعوی‌سینده ایستانبول ۷.جی آغیر جزا محکمه‌سی‌نین، آرا‌لاریندا دؤنمین ایسراییل باش قرارگاه باشقانی‌نین دا اولدوغو ٤ قوموتانا دوروشمالارا گلمدیگی اوچون یاخالاما قراری وئردیگینی ایفاده ائدیر. قزئت، محکمه‌نین سانیق‌لارا قیرمیزی بولتن چیخاریلماسینا حؤکم ائتدیگینی یازیر.
میلیت قزئتی، "توریزم چوخ ارکن پاتلادی" باش‌لیق‌لی خبرینده، تورکیه‌نین بو ایل توریزم مؤوسومونو ارکن آچدیغینی ایفاده ائدیر. قزئت، گلن توریست ساییسی‌نین ۲۰۱۳ون ایلک دؤرد آیینا گؤره یوزده ٥ نیسبتینده آرتدیغینی یازیر. قزئت، ژانویه-آوریل دؤنمینده تورکیه‌یه ۷ میلیون توریست گلدیگینی ایفاده ائده‌رک، ۲۰۱۳.جو ایلده ۳٥ میلیون خاریجی توریستین تورکیه‌یه گلدیگینی ایفاده ائدیر. خبرده، ایلک دؤرد آیدا گلن توریست‌لر آراسیندا آلمان‌لارین بیرینجی‌لیگینی قورودوغونا دقت چئکیلیر.
وطن قزئتی، "تکنولوژی بازاری یوزده ۱٤،۸ بؤیودو" باش‌لیق‌لی خبرینده، تورکیه‌ده توکه‌دیچی تکنولوژیسی محصول‌لاری بازاری‌نین، ایلک دؤردده‌بیرده یوزده ۱٤،۸ بؤیویه‌رک ۸.۳ میلیارد لیرا گلیره چاتدیغینی یازیر. قزئت، محصول کاتگوری‌لری سویه‌سینده بؤیومه‌یه ان یوکسک قاتقی‌نین عاغیل‌لی تلفن و تابلت بیلگی‌سایارلاردان گلدیگینی وورغولاییر.
حریت قزئتی، "بال اوره‌دیمینده دونیا ایکینجیسی‌ییک" باش‌لیق‌لی خبرینده، تورکیه آری یئتیشدیریجیلری مرکز بیرلیگی باشقانی بحری ییلمازین آچیقلامالارینا توخونور. قزئت، ییلمازین، تورکیه‌نین بال اوره‌دیمینده دونیادا ایکینجی سیرادا یئر آلدیغینی ایفاده ائتدیگینه ایشاره ائدیر. قزئت، تورکیه‌ده نارنج‌گیللردن پامیغا، گونه‌باخاندان میوه چیچک‌لرینه، ککلیک اوتوندان، چام و شابالیطا قدر بالین هر نؤوونون اوره‌دیلدیگینه وورغو ائدن ییلمازین، بو چئشیدلی‌لیگین آوروپا قاره‌‌سینین بوتونونده بئله اولمادیغینی سؤیلدیگینی یازیر. خبرده، تورکیه‌ده ایلده اورتالاما ۹٤ مین تن بال اوره‌دیلدیگی یازیلیر.
صاباح قزئتی‌نین اقتصاد صحیفه‌سینده یاییم‌لانان "مرکزلر امکداش‌لیق ائتسین" باش‌لیق‌لی خبرده، آمریکا مرکز بانکی‌نین بهره آرتیریمینی نه زامان ائدجیینین دارتیشیلدیغی بیر دؤورده آی‌ام‌اف باشقانی لاگارد‌دان امکداش‌لیق چاغریسی گلدیگی ایفاده ائدیلیر. قزئت، پرتغالدا تشکیل ائدیلن آوروپا مرکز بانکی کنفرانسیندا دانیشان لاگاردین، "بیلیرم بو قونودا بعضی‌لری عکسینی سوونورکن بعضی‌لری بهره آرتیریمینی دستکله‌ییر. چتین زامان‌لاردا امکداشلیغین قازانجی بؤیوک اولابیلر" دئدیگینی یازیر.
آخشام قزئتی، "دونیا اولدوزو سومانی اونوتمادی" باش‌لیغی آلتیندا یاییم‌لانان خبرینده، آمریکالی مشهور پاپ اولدوزو جاستین تیمبرلاک‌ین، ایستانبول کونسرتینده سومانی آندیغینی ایفاده ائدیر. قزئت، تیمبرلاک‌ین، ۳۰۱ معدنچی اوچون سون‌سوزا قدر پارچاسینی سسلندیررکن، "ماهنی سومادا حیاتینی ایتیرن‌لر اوچون" سؤزلری‌نین رومانتیک آنلار یاشاتدیغینی ایفاده ائدیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
