تورکیه مطبوعاتی اؤزتی 26.05.2014
خبرتورک قزئتی، "آوروپادا عیرقچی یوکسلیش" باش‌لیق‌لی خبرینده، آوروپا پارلمانی سئچیم‌لری‌نین عیرقچی پارتی‌لرین یوکسلیشیله نتیجه‌لندیگینی یازیر. فرانسادا اقتدار پارتیسی‌نین مغلوبیته اوغرادیغینا ایشاره ائدن قزئت، آلمانیادا دا اقتدار پارتیسی‌نین اوی ایتیردیگینی ایفاده ائدیر. خبرده آوروپادا اوی ایتیرن خریستیان دموکرات‌لارین آوروپا پارلمانینا ۲۱۱ عضو گؤندره‌رک ان بؤیوک قروپ اولماغی داوام ائتدیرجیی یازیلیر. قزئت، اویلارینی آرتیران عیرقچی پارتی‌لرین ایسه آوروپا پارلمانیندا ٤۰ میلت وکیلی ایله تمثیل ائدیلجیینی ایفاده ائدیر.
صاباح قزئتی، "آوروپا یاتیریمی آرتیردی" باش‌لیق‌لی خبرینده، آ.ب اؤلکه‌لرین‌دن تورکیه‌یه گلن بیرباشا نقد سرمایه گیریشی‌نین بو ایلین ایلک دؤردده‌بیرینده گئچن ایلین عینی دؤورونه گؤره یوزده ٥٦،۲ آرتدیغینی یازیر. خبرده، هلند‌دن گلن نقد سرمایه گیریشی‌نین ۲۰۹ میلیون دو‌لاردان ۱ میلیارد ۱٦۸ میلیون دولارا یوکسلمه‌سی‌نین دقت چئکدیگینه ایشاره ائدیلیر. قزئت، بو ایلین ژانویه-مارس دؤورونده آ.ب دیشی باشقا آوروپا اؤلکه‌لرین‌دن گلن نقد سرمایه گیریشینده گئچن ایلین عینی دؤورونه گؤره یوزده ۳۰۲ آرتیش گؤرولدوگونو ایفاده ائدیر.
حریت قزئتی، "تورکیه‌ده اوره‌دیب آوروپادا بؤیویه‌جک" باش‌لیق‌لی خبرینده، ژاپون لاستیک شرکتی بریجستون‌ون، آوروپادا بحران سونراسی یئنی‌دن یوکسلیشی تورکیه‌دن باشلاتدیغینی یازیر. قزئت، آوروپادا ٦ فابریکاسی اولان ژاپون شیرکتین بؤلگه‌ده سون ایللرده حیاتا گئچیردیگی تک و ان بؤیوک یاتیریمین آک‌سارایا یاپاجاغی ۳۰۰ میلیون دو‌لارلیق یئنی فابریکا اولاجاغینی ایفاده ائدیر.
صاباح قزئتی، "چین‌دن بیر بانک داها تورکیه‌یه گلیر" باش‌لیق‌لی خبرینده، دونیانین ان بؤیوک بانکی چین‌لی آی‌سی‌بی‌سی‌نین گلیشی‌نین چین‌لی شیرکت‌لرین ده ماراغینی آرتیردیغینا ایشاره ائدیر. قزئت، چین‌ین ان بؤیوک آرماتور اوره‌دیچی‌سی سوئردانین، اس‌آر‌سی گروپ ایله تورکیه‌ده آرماتور اوره‌دجگینی ایفاده ائدیر.
یئنی شفق قزئتی، "دعا‌لار معراجا یوکسلدی" باش‌لیق‌لی خبرینده، اوچ آیلارداکی مبا‌رک گئجه‌لرین ایکینجی‌سی معراج گئجه‌سینده مسجیدلرین دولوب داشدیغینا وورغو ائدیر. گؤی اوزونه آچیلان اللرین عفو اوچون یالواردیغینی یایزان قزئت، دعا‌لاردا سوما شهیدلری‌نین ده اونودولمادیغینا ایشاره ائدیر.
آخشام قزئتی، "کن بیلگه‌سینه دؤولت تشکرو" باش‌لیغی آلتیندا یاییم‌لانان خبرینده، تورکیه‌یه ۳۲ ایل سونرا قیزیل پالمیه سئوینجی یاشا‌دان نوری بیلگه جئیلانین دونیا گوندمینده اولدوغونو یازیر. قزئت، سینما یازارلاری‌نین، ظفری سورپریز دئییل دئیه یوروملادیغینا دقت چئکیر. خبرده، تورکیه پرزیدنتی عبدالله گول و باشباخان رجب طیب اردوغانین، نوری بیلگه جئیلانی قوتلادیغینی یازیر.
میلیت قزئتی، "تئریم ۱۰۰.جو اویونونو آلدی" باش‌لیق‌لی خبرینده، گنج و یئنی آدلاردان اولوشدورولان تورکیه میلی فوتبال تاخیمی‌نین، ایرلند جمهوریتی ایله اوینادیغی حاضرلیق قارشیلاشماسینی ۲-۱ قازاندیغینی ایفاده ائدیر. قزئت، تورکیه فوتبال دیرئکتورو تئریمین ۱۰۰.جو دفعه میلی تاخیمین باشیندا چیخدیغی اویونون گل‌لارینی احمد ایلخان اؤزاک و طاریق چامدال‌ین قید ائتدیگینی یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
