تورکیه مطبوعاتی اؤزتی 25.05.2014

یئنی شفق قزئتی اژه‌دکی زلزه‌له خبرینی، "ساللاندیق" باشلیغییلا، اوخوجولارینا یازیر.
قزئت، چاناققالایا 90 کیلو متر مسافه‌ده اژه دنیزینده میدانا گلن 6.5 شدتین‌دکی زلزه‌له‌نین تورکیه‌نین غربینی 40 ثانیه ساللادیغینی یازیر. خبرین داوامیندا، ایستانبول، ادیرنه، بولو، اسکیشهیر، ایزمیر، مانیسانین دا آرا‌لاریندا اولدوغو بیر چوخ ایلده وطنداش‌لارین چاخناشما حالیندا اؤزونو چؤله آتدیغینی، 200-دن چوخ اینسانین بینا‌لاردان آتلایا‌راق یارالاندیغینی و زلزه‌له‌نین آردین‌دان 50-یه چوخ آرتچی سارسینتی اولدوغونو، یازیر.
میللیت قزئتی عینی خبری، "40 ثانیه‌لیک قورخو" باشلیغی ایله یازیر. قزئتین خبرینده، اژه دنیزینده گؤکچه‌آدانین 40 کیلومتر غربینده میدانا گلن، 6.5 بؤیوکلوگون‌دکی زلزه‌له‌نین قورخو یاراتدیغی یازیلیر.
قزئت، چاناققالا والیسی احمد چینارین، اوستان مرکزی و شهرلرینده هر هانسی بیر جان و یا مال ایتکی‌سی اولمادیغینی ایفاده ائده‌رک، بینا‌لاریندا زیان اولان وطنداش‌لاری ائولرینه گیرممه‌لری موضوعسوندا خبردار ائتدیگینی یازیر.
وطن قزئتی، 67. کن فیلم فستیوالیندا بؤیوک اؤدول قیزیل پالمی‌یه، نوری بیلگه جئیلانین 'قیش یوخوسو فیلمی‌نین آلدیغینی، "سوما اوچون" باشلیغییلا یازیر.
قزئت خبرده، اؤدول اوچون صحنه‌یه چیخان نوری بیلگه جئیلانین چیخیشیندا "اؤدولومو تورکیه 'ده سون ایلده حیاتینی ایتیرن گنج‌لره و سومادا حیاتینی ایتیرن معدنچی‌لره حصر ائدیرم" دئدیگینی یازیر.
و صاباح قزئتی عینی خبری، "قیزیل پالما، جئیلانین" باشلیغییلا یازیر.
قزئت، نوری بیلگه جئیلانین، 1982-جی ایلده ییلماز گونئی‌ین "یول" فیلمی‌نین آردین‌دان، بو اؤدولی قازانان ایکینجی تورک یؤنتمن اولدوغونو و اؤدولونو آمریکالی مشهور یؤنتمن گوئنتین تارانتینو‌دان آلدیغینی یازیر. قزئت، جئیلانین، بو ایل تورک سینماسی‌نین 100. قورولوش ایل دؤنومونو قوتلاندیغینی خاطیرلادا‌راق، اؤزونو دستکله‌ین‌لره و ژوریه تشککور ائتدیگینی ایفاده ائدیر.
حریت قزئتی، "آردا‌سیز اویوندا بویوک کوپا رئالین" باش‌لیق‌لی خبرینده، شامپیون‌لار لیگه‌سی فینالیندا رئال مادریدین از‌لی رقیبی آتلئتیکو مادریدی نورمال مدتی 1-1 بیتن قارشیلاشمادا اوزاتما حیسه‌سینده تاپدیغی 3 قوللا 4-1 مغلوب ائتمگی باشاردیغینی یازار.
قزئت، میللی اویونچوموز آردا تورانین شیکست‌لیگی سببیله بلکه ده یاشامینین ان اهمیت‌لی اویونونو اولا بیله‌جک فینالدا 18 نفرلیک هیاته آلینمادیغینی یازیر.
آخشام قزئتی عینی خبری، "رئال مادرید 10.کز آوروپا سامپیونو" باشلیغییلا کؤچورور.
قزئت خبرینده، بئله یازیر؛ UEFA شامپیون‌لار لیگی فینالیندا رئال مادرید ایله آتلتیکو مادرید، کوپا اوچون مبارزه ائتدیلر. پورتغالین لیزبون شهرینده اوینانان قارشیلاشماغی رئال مادرید اوزاتما دؤوره‌سینده تاپدیغی قوللا 4-1 قازانا‌راق شامپیون‌لار لیقی‌نین غالیبی اولدو.