تورکیه مطبوعاتی اؤزتی 24.05.2014
صاباح قزئتی "تام بیر ایچ ساواش" باشلیقلی خبرده روسیا دؤولت باشقانی ولادیمیر پوتینین اوکراینانین دوغوسوندا گئدهرک آرتان شدتین اؤلکهنی "تام بیر ایچ ساواشا" آپاردیغینی سؤیلدیگینی یازیر.
قزئت اوکرایناداکی دؤولت باشقانلیغی سئچیملریندن ایکی گون اؤنجه دانیشان پوتینین، روسیانین قیریما مداخیلهسی ایله بورادا بنزری وضعیتین یاشانمادیغینی ایرهلی سوردوگونو ایفاده ائدیر.
خبرده کیئو حکومتینین ایسه "موستقیل و دموکراتیک بیر اوکراینا اوچون اوی وئرین" دئیه چاغیردیغی یازیلیر.
یئنی شفق قزئتی مصر گوونلیک گوجلرینین مسلمان قارداشلار تشکیلاتینا منسوب ٥۷ نفری گؤز آلتینا آلدیغینی یازیر .
خبرده آیریجا، قاهیرهنین جنوبونداکی حلوان و باشکندین مصرالجدیده محلهسینده ایکی ائوه باسقین ائدیلدیگی و ۱۱ نفرین گؤز آلتینا آلیندیغی بیلدیریلیر.
زامان قزئتی بیرلشمیش میللتلر تشکیلاتینین امنیت شوراسینین نیجریهدهکی القاعده باغلانتیلی بوکو حرام ترور هؤرگوتونو قارا لیستهیه آلدیغینی یازیر .
قزئت ۲٥۰دن چوخ قیز اؤیرنجینین قاچیریلماسی حادثهسیندن بئش هفته سونرا آلینان قرار ایله بوکو حراما بیر دیزی یاپدیریم تطبیق اولوناجاغینی ایفاده ائدیر.
میلیت قزئتی سیاست و اقتصاد ائلیتینه فساد دعویلرینین آچیلدیغی چینده، معدنچیلیک شرکنی هانلوگون صاحبی اولان اؤلکهنین ساییلی زنگینلریندن لیو حان و قارداشینین 'اورگانیزه سوچ هؤرگوتو قورماق و یؤنهدمکدن' اعدام جزاسینا چارپدیریلدیغینی یازیر.
قزئت محکمهنین معدنچیلیک سئکتورونداکی ان بؤیوک شیرکتلردن اولان هانلوگ گرووپون صاحبی لیو قارداشلارین مال وارلیقلارینا ال قویدوغونو یازیر.
حریت قزئتی " اؤپوجوگه قیرباچ دارتیشماسی" باشلیقلی خبرده ایراندا حزباهلق اؤیرنجیلری آدلی بیر قروپون ایران محکمهلرینه مراجعت ائدهرک، فرانساداکی کن فیلم فستیوالی سیراسیندا ژوری باشقانینی یاناغیندان اؤپهرک سلاملاماسییلا محافظهکارلارین آیاقلانماسینا سبب اولان ایرانلی اویونچو لیلا حاتمینین، خالقین قارشیسیندا قیرباجلاناراق حبسله جزالاندیریلماسینی طلب ائتدیگینی یازیر.
خبرده ژوری باشقانی ژیل ژاکوبون حاتمی ایله اؤپوشهرک سلاملاشماسیندا بیر آرد نیتی اولمادیغینی و "چوخ اولاغان بیر باتیلی گلهنکله ایلگیلی وئریلن بو تپکیلرین هئچ بیر تملی یوخ" دئدیگی یازیلیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.