تورکیه مطبوعاتی اؤزتی 23.05.2014
یئنی شفق قزئتی، "دهشتین یئنی شکیل‌لری" باش‌لیق‌لی خبرینده، آنادولو آژانسی‌نین، اسد رژیمی‌نین توتوقلادیغی مخالیف‌لره قارشی اویقولادلغی سیستماتیک ایشگنجه‌نی گؤسترن شکیل‌لری یاییملادیغینی یازیر. قزئت، بیرلشمیش میلتلره دلیل اولاراق سونولان شکیل‌لرین، سوریه‌ده سون اوچ ایلدیر خالقین معروض قالدیغی هر جور اینسان‌لیق دیشی اویقولامانی بلگه‌له‌دیگینی ایفاده ائدیر. خبرده، گؤزلری اویولموش گنج‌لرش، بد‌نینده درین یارا‌لار آچیلمیش اوشاق و آج بوراخیلا‌راق اؤلدورولن قادین‌لارا عاید کادرلارین قان دوندوردوغونا وورغو ائدیلیر.
حریت قزئتی، "سوریا سرحدینه ۱۲۰ تریلر" باش‌لیق‌لی خبرینده، باشباخان کؤمکچی‌سی امرالله ایشلرین، بو گونه قدر اینسانی کؤمک ملزمه‌لری ایله دولو اولان ۱۲۰نین اوزرینده تریلرین سرحد بؤلگه‌لرینه سیغینان و سوریه‌ده چتین شرط‌لرده حیاتدا قالماغا چالیشان سوریه‌لی‌لره گئتدیگینی سؤیلدیگینی یازیر . قزئت، تورک دیانت وقفی‌نین، "ایندی سوریه‌یه کؤمک زامانی" کامپانیاسی چرچیوه‌سینده ده ۸۸ مین ٦۱۲ قیدا پاکتی‌نین گؤندریلدیگینی ایفاده ائده‌رک ایچری‌سینده ماکارونی، نوخود، پاخلا، یارما، گونه‌باخان یاغی، شکر، کنجد حالواسی، یاشیل مرجیمک، بالیق و کونسرو‌لری یئر آلدیغینی یازیر.
یئنی شفق قزئتی، "بوسنی سیل باش‌دان" باش‌لیق‌لی خبرینده، تاریخی‌نین ان بؤیوک طبیعی فلاکت‌لرین‌دن بیریله اوجدان اوجا ییخیلان بوسنی هرزگووینین، یئنی‌دن اینشا ائدیلمه‌یه چالیشیلدیغینا دقت چئکیر. قزئت، فلاکت‌دن ان چوخ ائتکیلنن شهرلرین باشیندا گلن زاویدوویچیده آلت و اوست یاپینین چؤکدوگونو ایفاده ائدن بلدیه باشقانی اومراسئویچین، "اونلارجا کؤپروموز ییخیلدی. یول‌لاردا بؤیوک کؤچوکلر میدانا گلدی و سو بورولاریمیز پاتلادی. دئییم یئرینده‌دیرسه شهری 'سیل باش‌دان' اینشا ائتمه‌میز لازیم اولا‌جاق" دئدیگینی یازیر.
صاباح قزئتی، "تورکیه بیرلشمیش میلتلرین زنگین‌لر کلوبوندا" باش‌لیق‌لی خبرینده، تورکیه‌نین، بیرلشمیش میللت‌لر تشکیلاتی‌نین ضروری بودجه‌سینه یوزده ۱ نیسبتین‌دن چوخ قاتقی وئرن "ژنو قروپو" اؤلکه‌لر بیرلیگینه تام عضو اولاراق قبول ائدیلدیگینی یازیر. قزئت، خاریجی ایشلر باخانلیغی‌نین، ژنو قروپونون، بیرلشمیش میللت‌لرین ائتکیلی شکیلده چالیشماسی یولوندا فعالیت‌لرده اولان، اداری و مالی قونولاردا فیکیر بیرلیگی ایچینده اولان اؤلکه‌لرین قاتیلدیغی غیر رسمی بیر اولوشوم اؤزللیگی داشیدیغینی ایفاده ائتدیگینی یازیر. خبرده، تورکیه‌نین ۲۰۱۳-۲۰۱٥ دؤنمینده بیرلشمیش میللت‌لر بودجه‌سینه ضروری قاتقی پایی‌نین دا یوزده ۰،٦دان یوزده ۱،۳ اولاراق آرتدیغی ایفاده ائدیله‌رک، تورکیه‌نین بیرلشمیش میللت‌لر بودجه‌سینه ان چوخ قاتقی وئرن اؤلکه‌لر سیرالاماسیندا ۲٥.جی سیرادان ۱٦.جی سیرایا یوکسلدیگی بیلدیریلیر .
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
