تورکیه مطبوعاتی اؤزتی 22.05.2014
تورکیه مطبوعاتی اؤزتی 22.05.2014
میلیت قزئتی، "ماوی مارمارایا اونلو وکیل" باش‌لیق‌لی خبرینده، ایسراییل اوردوسونون غزه محاصره‌سینی قیرماق اوچون یولا چیخان ماوی مارمارایا ۳۱ می ۲۰۱۰.جو ایلده تشکیل ائتدیگی باسقیندا اؤلن دوققوز تورک وطنداشی‌نین یاخین‌لارینی مشهور بیر وکیلین تمثیل ائدجیینی یازیر. قزئت، اسکی یوگسلاوی پرزیدنتی سلوبودان میلوسئویچی لاهه‌ده‌کی اولوسلارآراسی جزا محکمه‌سینده یارقیلادان ساوجی‌لاردان و سوریه‌ده رژیمین سیستماتیک ایشگنجه‌لرینی اورتایا قویان راپورا آراشدیرماچی اولا‌راق قاتقی وئرن وکیل سیر گئوفرئی نایس، ماوی مارمارا ضرر چئکنلری‌نین اولوسلارآراسی جزا محکمه‌سینده موکیللیغینی یئریدجیینی آچیقلادیغینی یازیر.
یئنی شفق قزئتی، "آسئلسان بؤیوکلر لیگینده" باش‌لیق‌لی خبرینده، آسئلسان، رولز رویس ایله موتور، ایرباس ایله ده اویدو، لیزر و تئل‌سیز خبرلشمه‌لری ساحه‌سینده آنلاشدیغینی یازیر. قزئت، آن‌لاشمایلا تورکیه‌نین، قلوبال بازارلارا داها آسان اریشیم تامین ائده‌بیلجیینی ایفاده ائدیر. خبرین آیرینتیلاریندا یئرلی راکت اوره‌دیمی یاپان روکئتسانین ایسه ایرباس ایله حربی هاواچیلیق ساحه‌لرینده گله‌جک‌دکی امکداش‌لیق اوچون آنلاشما ایمضالادیغینا ایشاره ائدیلیر.
صاباح قزئتی، "اینگیلتره‌ده تحصیله 'لاله دئوری' گلیر" باش‌لیق‌لی خبرده، اینگیلتره‌ده 'آ سویه‌سی' اولا‌راق بیلینن و اونیورسیته‌یهحاضیرلانان اؤیرنجیلره حاضرلیق و دنک‌لیک پروقرامینا، گله‌جک ایلدن اعتباراً عثمانلی امپراتورلوغو و ایسلامین یوکسلیشی کیمی قونولارین دا داخیل ائدیلمه‌سی‌نین دوشونولدوگونو ایفاده ائدیر. قزئت، سیناو قورولونون تاریخ سوروملوسونون، همیشه عینی قونولاردا و ۲۰.جی عصره اوداقلی قونولارین سئچیلمه‌سی سببیله تنقید آلدیق‌لارینی، مقصدلری‌نین اؤیرنجیلره چئشیدلی‌لیک سونماق اولدوغونو سؤیلدیگینی یازیر.
وطن قزئتی‌نین مدنیت-صنعت صحیفه‌سینده یاییم‌لانان "موریسئی‌دن ایستانبولا اذان‌لی آچیلیش" باش‌لیق‌لی خبرده، پاپ موسیقی‌سی‌نین افسانه آدلارین‌دان اینگیلتره‌لی مغنی موریسئی‌ین، یئنی آلبومون‌دان ایستانبول آدلی ماهنی‌سینی یاییملادیغی بیلدیریلیر. قزئت، ماهنی‌نین گیریش قیسیمینده اذان سسی اولماسی‌نین دقت چئکدیگینی یازیر.
آخشام قزئتی‌نین ایدمان صحیفه‌سینده یاییم‌لانان "سوما مئساژی" باش‌لیق‌لی خبرده، تورک میلی فوتبال تاخیمی‌نین، کوزووایلا اوینادیغی حاضرلیق اویونوندا ساحه‌یه قارا فورمایلا چیخدیغی یازیر. آی اولدوزلو اکیبین، رقیبینی ٦-۱ کیمی فرق‌لی بیر حسابلا یئندیگی‌نین ایفاده ائدیلدیگی خبرده فوتبالچیلارین گل‌لاردان سونرا سئوینج یاشامادیغینا دقت چئکیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
