بایراموو میرزویان ایله گؤروشه‌جک

آذربایجان خاریجی ایشلر باخانی جئیحون بایراموو ایله ارمنیستان خاریجی ایشلر باخانی آرارات میرزویانین آلمانیانین باشکندی برلینده باریش آنلاشماسی موذاکیره‌لری چرچیوه‌سینده بیر آرایا گله‌جگی بیلدیریلدی.

آلمانیا خاریجی ایشلر باخانلیغی مسئوللاریندان الده ائدیله‌ن معلوماتا گؤره، بایراموو و میرزویان آلمانیا خاریجی ایشلر باخانی آنالنا بربوک ایله اوچلو بیر ییغینجاق گئرچکلشدیره‌جک.

بربوک، خاریجی ایشلر باخانلیغینین قوناق ائوی اولاراق ایستیفاده ائتدیگی ویلا بورسیگ‌ده اؤنجه ارمنیستان خاریجی ایشلر باخانی میرزویان ایله سونرا دا آذربایجان خاریجی ایشلر باخانی بایراموو ایله آیری آیری گؤروشه‌جک.

بو گؤروشمه‌لرین آردیندان اوچلو گؤروشمه‌یه گئچیله‌جک.

آلمانیادا تشکیل ائدیله‌ن ۶۰.جی مونیخ گوونلیک کنفرانسیندا گؤروشه‌ن آذربایجان جمهورباشقانی ایلهام آعلییئو و ارمنیستان باشباخانی نیکول پاشینیانین وئردیگی تاپشیریغا گؤره بایراموو ایله میرزویانین ۲۸-۲۹ فوریه‌ده بیر آرایا گله‌جگی اؤیرنیلمیشدی.