"آذربایجان، باریش سۆرهجینه صادقدیر"
آذربایجان خاریجی ایشلر باخانلیغیندان وئریلهن یازیلی آچیقلامادا، سرحدده یاشانان سون گرگینلیگین ارمنیستانین تخریباتینا جاواب اؤزللیگی داشیدیغی ایفاده ائدیلدی
آذربایجان، ارمنیستانلا یئریدیلهن باریش سۆرهجینه صادق اولدوقلارینی بیلدیردی.
آذربایجان خاریجی ایشلر باخانلیغیندان وئریلهن یازیلی آچیقلامادا، سرحدده یاشانان سون گرگینلیگین ارمنیستانین تخریباتینا جاواب اؤزللیگی داشیدیغی ایفاده ائدیلدی.
آچیقلامادا، "آذربایجان، باریش سۆرهجینه صادقدیر، ارمنیستان طرفینی بو ایستیقامتدهکی چابالاری تهلوکهیه آتابیلهجک عسگری گرگینلیکلردن قاچینماغا چاغیرماقدادیر" ایفادهسی یئر آلدی.
دۆنن، زنگیلان ائلینین کوللوقیشلاق کندی ایستیقامتیندهکی آذربایجان مؤوضعلرینه، کافان ائلینین نرکین-آند کندی ایستیقامتیندهکی ارمنیستان مؤوضعلریندن آتیش ائدیلمیش و بیر آذربایجان عسگری یارالانمیشدی.
آذربایجان بیرلیکلری، بو وضعیت اۆزرینه عملیات تشکیل ائتمیش و آذربایجان عسگرلرینه آتیش ائدیلن مؤوضع یوخ ائدیلمیشدی.
ارمنیستان ساوونما باخانلیغی، حادثهده ۴ عسگرین یاشامینی ایتیردیگینی بیلدیرمیش، ارمنیستان خاریجی ایشلر باخانلیغی دا آذربایجانی سرحدده گرگینلیگی آرتیرماق اوچون بهانه آختارماقلا سوچلامیشدی.