تۆرکیهنین تۆرک دؤولتلری تشکیلاتی اؤلکهلرینه صادراتی آرتدی
تۆرکیهنین آذربایجان، قازاقیستان، اؤزبکیستان و قیرقیزیستاندان اولوشان تۆرک دؤولتلری تشکیلاتی اؤلکهلرینه صادراتی گئچهن ایل، ۲۰۲۲ ایلینه گؤره یۆزده ۱۴،۲ آرتدی
تۆرکیهنین، تۆرک دؤولتلری تشکیلاتی (تدت) عضوو اؤلکهلره (تۆرکیه، آذربایجان، قازاقیستان، قیرقیزیستان و اؤزبکیستان) صادراتی گئچهن ایل، بیر اؤنجهکی ایله گؤره یۆزده ۱۴،۲ آرتاراق ۶ میلیارد ۸۳۱ میلیون دولارا یۆکسلدی.
تۆرک دؤولتلری تشکیلاتی عضو اؤلکهلری آراسینداکی تیجارتده سون ایللرده بؤیوک بیر آرتیش یاشانیر.
تۆرکیه صادراتچیلار مجلیسی (تیم) بیلگیلرینه گؤره، تۆرکیهنین آذربایجان، قازاقیستان، اؤزبکیستان و قیرقیزیستاندان اولوشان تۆرک دؤولتلری تشکیلاتی اؤلکهلرینه صادراتی گئچهن ایل ۲۰۲۲ ایلینه گؤره یۆزده ۱۴،۲ آرتاراق ۶،۸ میلیارد دولارا چاتدی.
سؤزو گئدن دؤنمده ان چوخ صادرات ائدیلهن اؤلکه ۲،۴ میلیارد دولارلا آذربایجان اولدو.
اونو ۱،۷ میلیارد دولارلا قازاقیستان، ۱،۶ میلیارد دولارلا اؤزبکیستان، ۱ میلیارد دولارلا قیرقیزیستان ایزلهدی.
تۆرک دؤولتلری تشکیلاتی بونیهسیندهکی اؤلکهلره ان چوخ صادراتی شیمیایی مادهلر و محصوللاری بؤلومو ائتدی.
بو بؤلومون ۴ اؤلکهیه صادراتی گئچهن ایل ۱ میلیارد ۱۷۳ میلیون دولار اولاراق ثبت ائدیلمیشدی.
ان چوخ صادرات ایسه ۴ میلیارد دولارلا ایستانبولدان ائدیلدی.
تۆرک دؤولتلری تشکیلاتی اؤلکهلرینه ائدیلهن صادراتین یۆزده ۵۸،۵ی ایستانبولدان ائدیلدی.