قیرقیزیستان بایراغینداکی دییشیکلیک تکلیفی یاسالاشدی
قیرقیزیستان جمهورباشقانی سادیر جاپاروو، ۲.جی خالق قورولتاییندا اؤلکه بایراغیندا دییشیکلیکلرین ائدیلمه‌سینی اؤزونون ایسته‌دیگینی ایفاده ائتمیشدی
قیرقیزیستان مجلیسینده، اؤلکه بایراغیندا دییشیکلیک لایحه‌سی قبول ائدیله‌رک یاسالاشدی.
قیرقیزیستان مجلیس باشقانی نورلان‌بک شاکیئوین باشقانلیغیندا قیرقیز جمهوریتی دؤولت سمبوللاری حاقیندا قانوندا دییشیکلیک ائدیلمه‌سینه دایر قانون لایحه‌سی، باش قورولون سس وئرمه‌سینه سونولدو.
مجلیس باشقانی شاکیئو و میللت وکیلی اولان پریمووون قیرقیزیستان بایراغینی یاخشیلاشدیرماق آماجییلا حاضیرلادیغی لایحه، ۹۰ کۆرسولو مجلیسده سس وئرمه‌یه قاتیلان ۶۴ میللت وکیلیندن ۵۹ونون "اولور" اویو ایله یاسالاشدی. ۵ نفر ایسه "یوخ" اویو وئردی.
قانون، اؤلکه بایراغیندا اولان دالغا شکلینده‌کی گونش شعاعلارینین دوزلشدیریلمه‌سی و اورتاسینداکی موتیوین ایچینده یئر آلان خط ساییسینین اۆچد‌ن دۆرده چیخاریلماسی تکلیفینی احتیوا ائدیر.
قیرقیزیستان جمهورباشقانی سادیر جاپاروو، ۲.جی خالق قورولتاییندا (خالق بوُلوشما‌سی) اؤلکه بایراغیندا دییشیکلیکلرین ائدیلمه‌سینی اؤزونون ایسته‌دیگینی ایفاده ائتمیشدی.
جاپارووون تصدیقی سونراسی قانون، رسمی قزئتده یاییملاناراق قوه‌یه گیره‌جک.
ایلگیلی‌لی خبرلر
ییلماز:"تورکیه-اؤزبکیستان تیجارت حجمینده هدفه یاخین‌لاشیریق"
تورکیه-اؤزبکیستان تیجارت حجمینده 5 میلیارد دو‌لارلیق هدفه یاخین‌لاشیریق.
