جمهورباشقانی علییئو، جیمز اویراینی قبول ائتدی
علییئو، چاتیشما دؤنمینین سونا چاتماسی و آذربایجانین اگمنلیگینی تام اولاراق تامین ائتمه‌سینین آردیندان باریشین تاسیس ائدیلمه‌سی اوچون تاریخی فورصتلرین اورتایا چیخدیغینی ایفاده ائتدی
آذربایجان جمهورباشقانی ایلهام علییئو، اؤلکه‌سینین اگمنلیگینی تام اولاراق تامین ائتمه‌سینین آردیندان باریشین قورولماسی اوچون تاریخی فورصتلر اورتایا چیخدیغینی ایفاده ائد‌رک،
"آمریکا بیرلشمیش دؤولتلری گئرچکلری دقته آلاراق بو سۆره‌جه قاتقی وئره‌بیلر" دئدی.
جمهورباشقانی علییئو، آمریکانین آوروپا و آوراسیا ایشلریندن مسئول خاریجی ایشلر باخان کؤمکچیسی جیمز اویراینی قبول ائتدی.
آذربایجان ایله آمریکا آراسیندا زنگین بیر ایلیشکیلر گئچمیشی اولدوغونو ایفاده ائد‌ن علییئو، ایکی اؤلکه‌نین باشدا انرژی اولماق اۆزره مختلیف ساحه‌لرده باشاریلی امکداشلیق ایلیشکیسی قوردوغونو ایفاده ائتدی.
علییئو، ۴۴ گونلوک وطن محاربه‌سیندن (۲۷ سپتامبر -۱۰ نوامبر ۲۰۲۰) سونرا، ارمنیستانین تعهدلارینی یئرینه یئتیرمه‌دیگینی، آذربایجان تورپاقلارینا سلاح و عسگری پرسنل گؤندردیگینی، بؤلوجولوگه دستک وئردیگینی ایفاده ائد‌رک، اؤزلرینین ایسه اگمن تورپاقلاریندا ترورلا موباریزه تدبیرلری ایجرا ائتدیگینی خاطیرلاتدی.
آنتی‌ترور عملیاتی سیراسیندا، اولوسلارآراسی اینسان حاقلاری حقوقونا رعایت ائتدیکلرینی، وطنداشلارا، آلت یاپییا ضرر وئرمه‌دیکلرینی ایضاح ائد‌ن ایلهام علییئو، آذربایجانین بؤلگه‌سل باریشی دستکله‌دیگینی وورغولادی.
علییئو، چاتیشما دؤنمینین سونا چاتماسی و آذربایجانین اگمنلیگینی تام اولاراق تامین ائتمه‌سینین آردیندان باریشین تاسیس ائدیلمه‌سی اوچون تاریخی فورصتلرین اورتایا چیخدیغینی ایفاده ائد‌رک، "آمریکا، یئنی گئرچکلری دقته آلاراق بو سۆره‌جه قاتقی سونابیلر" دئدی.
جمهورباشقانی علییئو، انرژی ساحه‌سینده امکداشلیغینا، آذربایجانین آوروپانین انرژی گوونلیگینده اوینادیغی رولا، یئنیلنه‌بیلیر انرژی پتانسیلینین گلیشدیریلمه‌سی یولوندا خزر و قارادنیزده تطبیق اولونان پروژه‌لره دقت چکدی.
اویراین ایسه، ارمنیستان و آذربایجان آراسینداکی ایلیشکیلرین نورماللاشدیریلماسینی و باریش آنلاشماسی ایله باغلی موذاکیره‌لری دستکله‌دیکلرینی ایفاده ائد‌رک، باریش موذاکیره‌لرینین واشینگتندا داوام ائتدیریلمه‌سی اوچون آمریکانین حاضر اولدوغونو سؤیله‌دی.
