آذربایجان آمریکانی قینادی
"آمریکا سناسینین آذربایجانی آچیقجا هدف آلان قرارینی شدتله قیناییریق"
آذربایجان میللی مجلیسی، آمریکا بیرلشمیش دؤولتلری سناسینین ارمنیستان یانلیسی قرارینی، قبول ائتدیگی بیلدیری ایله قینادی.
میللی مجلیسین باش قورول ییغینجاغیندا، آمریکا سناسیندا ۱۵ نوامبردا قبول ائدیلهن "۲۰۲۳ ایلی ارمنیلری ساوونما قانونو"نو قینایان بیلدیری قبول ائدیلدی.
آمریکا سناسینین قرارینین "قبول ائدیلمز" اولدوغو ایفاده ائدیلهن بیلدیریده،
"آمریکا سناسینین آذربایجانی آچیقجا هدف آلان قرارینی شدتله قیناییریق" ایفادهسی یئر آلدی.
سون دؤنمده آمریکا مقاملارینین اؤن یارغیلی آچیقلامالارینین، ایکی اؤلکه آراسینداکی استراتژیک ایلیشکیلره ضرر وئردیگی ایفاده ائدیلهن بیلدیریده،
"آمریکا سناسینین بو قراری و آذربایجانا قارشی اساسسیز تنقیدلر، بؤلگهمیزده باریش و ثابتلیگه ایستیقامتلی چابالار اوچون جدی مانع اولوشدورور" دگرلندیرمهسی وئریلدی.
سنانین قرارینین ایسلام قارشیدی سناتورلار طرفیندن حاضیرلاندیغینا ایشاره ائدیلهن بیلدیریده، قرارین ایکیلی استانداردین آچیق نومونهسی اولدوغو وورغولاندی.
آمریکا کنگرهسیندهکی آذربایجان قارشیدی گؤروشمهلرین "آبزورد تئاتر اویونو" و "ایکی اۆزلو آمریکا سیاستینین یئنی بیر گؤستریجیسی" شکلینده تانیملاندیغی بیلدیریده، آمریکانین، خوجالی قیرغینی داخیل آذربایجانلیلارا قارشی ایشلهنهن بوتون سوچلاری گؤرمزلیکدن گلدیگی قید ائدیلدی.
بیلدیریده،
"آمریکانین تورکیهدهکی چئوریلیشی دستکلهدیگی و چئوریلیش گیریشیمینده کیلید رول اوینایان فئتؤ و بنزری ترور هؤرگوتلرینی حمایه ائدرک اؤز کوکلا رژیمینی اولوشدورماغا چالیشدیغی بیلینهن بیر گئرچکدیر. بو گون ایسرائیل-فیلیسطین چاتیشماسینین آلوولانماسینین اصل مسئولو آمریکادیر" ایفادهلری ایشلهدیلدی.