علییئو: غزه‌ده‌کی گرگینلیگین آرادان قالدیریلماسینی اومود ائدیریک
جمهورباشقانی ایلهام علییئو، فیلیسطین دؤولتینین قورولوش ایل دؤنومو سببی ایله فیلیسطین دؤولت باشقانی محمود عباسا مئساژ گؤندردی
آذربایجان جمهورباشقانی ایلهام علییئو، غزه‌ده‌کی گرگینلیگین در حال آرادان قالدیریلماسینی اومود ائتدیکلرینی ایفاده ائد‌رک، فیلیسطین مسئله‌سینین بیرلشمیش میللتلرین ایلگیلی قرارلاری ایستیقامتینده، ایکی دؤولت ایلکه‌سینه دایالی اولاراق حلینی دستکله‌دیکلرینی وورغولادی.
آذربایجان جمهورباشقانلیغیندان وئریله‌ن آچیقلامایا گؤره، علییئو، فیلیسطین دؤولتینین قورولوش ایل دؤنومو سببی ایله فیلیسطین دؤولت باشقانی محمود عباسا مئساژ گؤندردی.
علییئو، مئساژیندا، عباس و فیلیسطین خالقینی، اؤزو و آذربایجان خالقی آدینا تبریک ائتدی.
فیلیسطینده آذربایجان نماینده‌لیگینین آچیلماسینین ایکیلی ایلیشکیلرین اینکیشافی باخیمیندان مثبت آددیم اولدوغونو وورغولایان علییئو، آذربایجانین فیلیسطینده اوخول تیکمه‌سی قونوسونون دا گوند‌مده اولدوغونو بیلدیردی.
آذربایجان جمهورباشقانی علییئو، مئساژیندا بونلاری قئید ائتدی:
"غزه‌ده‌کی گرگینلیگین تئزلیکله آرادان قالدیریلماسینی اومود ائدیریک. آذربایجان، فیلیسطین مسئله‌سی ایله هر زامان دایانیشما ایچینده اولموش و بو مسئله‌نین بیرلشمیش میللتلرین ایلگیلی قرارلاری ایستیقامتینده، ایکی دؤولت اصلینه دایالی اولاراق حلینی دستکله‌مکده‌دیر. آذربایجان، بیرلشمیش میللتلر یاخین شرقده‌کی فیلیسطینلی سیغینماچیلارا کؤمک و باییندیرلیق آژانسینا دستگینی داوام ائتدیره‌جک".
آذربایجان ایله فیلیسطین آراسینداکی دوستلوق ایلیشکیلری و امکداشلیغین بوندان سونرا دا باشارییلا اینکیشاف ائدجگینه ایناندیغینین وورغولایان علییئو،
"قارداش فیلیسطین خالقینا باریش و دینجلیک دیله‌ییرم" ایفاده‌سینی ایشلتدی.
