آذربایجان، فرانسانی قینادی
"فرانسانین ارمنیستانا سالدیری اؤزللیگینه صاحب باستیون زره‌لی پرسنل داشیییجی گؤندرمه‌سینی قیناییریق"
آذربایجان، فرانسانین ارمنیستانا سلاح گؤندرمه‌سینی قینادی.
آذربایجان خاریجی ایشلر باخانلیغی سؤزچویو آیخان حاجیزاده، فرانسانین ارمنیستانا سلاح گؤندرمه‌سینه باغلی وئردیگی یازی‌لی آچیقلامادا،
"ارمنیستان و فرانسانین، بؤلگه‌ده‌کی سلاحلانما سیاستینه سون وئرمه‌سی، بو اؤلکه‌لرین بؤلگه‌ده باریش و امکداشلیغیندان باشقا آلترناتیو اولمادیغینی آرتیق آنلامالاری لازیم اولدوغونو" بیلدیردی.
حاجیزاده،
"فرانسانین ارمنیستانا سالدیری اؤزللیگینه صاحب باستیون زره‌لی پرسنل داشیییجی گؤندرمه‌سینی قیناییریق" ایفاده‌لرینی ایشلتدی.
فرانسانین بو آددیمینین بؤلگه‌ده‌کی وضعیتی گرگینلشدیرجگنی ایفاده ائد‌ن حاجیزاده،
"ارمنیستان و فرانسا، بؤلگه‌ده‌کی سلاحلانما سیاستینه سون وئرمه‌لیدیر. بو اؤلکه‌لرین، بؤلگه‌ده باریش و امکداشلیغیندان باشقا آلترناتیو اولمادیغینی آرتیق آنلامالاری لازیمدیر" دئدی.
حاجیزاده، اولوسلارآراسی، ارمنیستانی سلاحلاندیرماقدان قاچینما، بو جور یاسادیشی فعالیتلری دوردورما و قیناما چاغریسی ائتدی.
اکتبردا فرانسا ایله ارمنیستان آراسیندا سلاح ساتیشی و عسگری کؤمک قونوسوندا آنلاشما ایمضالانمیشدی.
سوسیال مئدیا سایتلاریندا، ارمنیستانا باستیون زره‌لی پرسنل داشیییجیلارین انتقالینا باغلی گؤرونتولر پایلاشیلمیشدی.
