قوندارما ارمنی یؤنه‌تیمینین اسکی جمهورباشقانی هاروتیونیان یاخالاندی
قاراباغ بؤلگه‌سینده‌کی سؤزده ارمنی رژیمینین اسکی "جمهورباشقانی" آرائیک هاروتیونیانین آذربایجان دؤولت تهلوکه‌سیزلیک خیدمتی پرسنلی طرفین‌ن توتولدوغو بیلدیریلدی
آذربایجانین قاراباغ بؤلگه‌سینده‌کی سؤزده ارمنی یؤنه‌تیمینین اسکی جمهورباشقانی آرائیک هاروتیونیان یاخالاندی.
آذربایجان مطبوعاتیندا یئر آلان خبرلرده، قاراباغ بؤلگه‌سینده‌کی سؤزده ارمنی رژیمینین اسکی "جمهورباشقانی" آرائیک هاروتیونیانین آذربایجان دؤولت تهلوکه‌سیزلیک خیدمتی پرسنلی طرفین‌ن توتولدوغو بیلدیریلدی.
هاروتیونیان، دونیادا هئچ بیر اؤلکه طرفیندن تانینمایان قاراباغ‌داکی سؤزده ارمنی رژیمین ۲۰۲۰-۲۰۲۳ ایللری آراسیندا "جمهورباشقانی" اولاراق وظیفه یئرینه یئتیرمیش، ۳۱ آگوست‌دا ایسه وظیفه‌سیندن استعفا ائتدیگینی آچیقلامیشدی.
هاروتیونیان، ۲۰۲۰ده‌کی ایکینجی قاراباغ ساواشی سیراسیندا، ارمنیستان اوردوسونون آذربایجانین ان بؤیوک ایکینجی شهری گنجه‌نین شهر مرکزینه تشکیل ائتدیگی موشک سالدیریسینین امرینی اؤزونون وئردیگینی سؤیله‌میشدی.
قاراباغ‌داکی سؤزده ارمنی رژیمینین اسکی "جمهورباشقانلاری" آرکادی گوکاسیان و باکو ساهاکیان ایله سؤزده رژیمین اسکی پارلمان باشقانی داوید ایشخانیانین دا توتولدوغو و ایشلدیگی ساواش سوچلاریندان اؤترو محاکیمه اولونماق اوزره باشکند باکییا آپاریلدیغی قید ائدیلدی.
آذربایجان داها اؤنجه، قاراباغ‌دان قاچدیقلاری سیرادا سؤزده ارمنی رژیمینین دؤولت باخانی روبن واردانانی و سؤزده رژیمین اوردوسونون اسکی باشچیسی لئوون مناتساکانیانی سرحد کنترل نقطه‌لرینده توتوقلامبشدی.
ارمنیستان مطبوعاتیندا یئر آلان خبرلرده ایسه، سؤزده رژیمین اسکی دؤولت باخانی آرتار آروتیونیان، سؤزده رژیمین اسکی ایچ ایشلری باخانی کادرین سارکیسیان ایله سؤزده رژیمین تهلوکه‌سیزلیک خیدمتی اسکی باشقانی آرارات ملکونیانین قاراباغ‌دان قاچاراق ارمنیستانا گئتدیگی ایفاده ائدیلدی.
