لاوروو: ایروانین دا چابا گؤسترمه‌سینی اومود ائدیرم
سرگئی لاوروو، قاراباغ‌دا نورمال حیاتین یئنیدن باشلاماسینا دایر شرطلر یاراتماق اوچون آذربایجان ایله چالیشدیقلارینی سؤیله‌دی
روسیا خاریجی ایشلر باخانی سرگئی لاوروو، قاراباغ‌دا نورمال حیاتین یئنیدن باشلاماسینا دایر شرطلر یاراتماق اوچون آذربایجان ایله چالیشدیقلارینی سؤیله‌دی.
لاوروو، سوچی‌ده تشکیل ائدیله‌ن اولوسلارآراسی دارتیشما کلوبو والدایین ایللیک ییغینجاغی چرچیوه‌سینده ژورنالیستلرین آذربایجانین قاراباغ بؤلگه‌سینده‌کی وضعیتله باغلی سواللارینی جاوابلاندیردی.
قاراباغ‌دا ایشلرین سوردوگونو دیله گتیره‌ن سرگئی لاوروو،
"قاراباغ‌داکی وضعیتی ثابتلیگه قوووشدورما، اورادا گوونی گوجله‌ندیرمه، آذربایجانلیلارین و ارمنیلرین اورتاق حیاتینا داوام ائتمه‌سی اوچون، نورمال حیاتین یئنیدن باشلاماسینا دایر شرطلر یاراتماق اوچون آذربایجان‌لی مسلکداشلاریمیز و قونشولاریمیزلا بیرلیکده چالیشیریق. اومود ائدیره‌م ایروان دا بو قونویلا ماراقلانار و بونون اوچون چابا گؤسترر" ایفاده‌لرینی ایشلتدی.
