باکیدا ساواش غنیمتلری موزه‌سی

آذربایجانین قاراباغ‌داکی سون عملیاتلارینین آردیندان، باشکند باکی‌دا ۲۰۲۱.جی ایلده آچیلان ساواش غنیمتلری موزه‌سینه ایلگی ده گزنلرین ساییسی دا آرتدی.
آذربایجان، ۱۰ نوامبر ۲۰۲۰ده قاراباغ‌دا الده ائتدیگی ظفر سونراسی ۱۲ آوریل ۲۰۲۱ده ساواشدا ایستیفاده ائدیله‌ن تجهیزاتی گؤسترمک و ساواشین نئجه قازانیلدیغینی ایضاح ائتمک اوچون ساواش غنیمتلری موزه‌سینی آچمیشدی.
۱۹ سپتامبردا آذربایجان اوردوسونون قاراباغ‌دا گئرچکلشدیردیگی و ۲۴ ساعاتدا باشاریلی بیر شکیلده سونا چاتان قاراباغ‌دا ترورلا موباریزه عملیاتینین آردیندان آچیق هاوا موزه‌سینه ماراق آرتدی.
چوخ ساییدا اؤیرنجی، موزه‌نی گؤرمه‌یه گئده‌رک غازیلردن ساواشی دینله‌ییر.
گیریشینده ارمنیستان اوردوسونا عاید ۲ مین آراجین نؤمره‌لریندن یارادیلان و اوزرینده "قاراباغ آذربایجانیندیر" یازیسی دقت چکه‌ن آچیق هاوا موزه‌سینده، وطنداشلار اوچون ساواشین نئجه قازانیلدیغی ایضاح ائدیله‌ن ویدئو دا یایینلانیر.
باشکند باکی‌دا ۵ هکتارلیک آلان اوزرینه قورولان ساواش غنیمتلری موزه‌سینده، قاراباغ ساواشیندا آذربایجانین ارمنیستان اوردوسوندان اله گئچردیگی ۳۰۰دن چوخ سلاح و تجهیزات ایله بیرلیکده ۱۵۰یه یاخین آغیر سلاحلی و زره‌لی و ماشینلار سرگیله‌نیر.
ارمنیستان اوردوسونون آذربایجان اوردوسونا قارشی ایستیفاده ائتدیی ایسکندر-م موشکینین قالیقلاری، ت-۷۲ تانکلاریندان ب‌م‌پ زره‌لی ماشینلارینا، زاستاوا م-۵۵ اوچاق سوووارلاریندان توچکا-او و سمرچ موشکلرینه قدر بیر چوخ تجهیزات کانتینرلر ایچریسینده گزنلرین ایلگیسینه سونولور.