جمهورباشقانی علییئو اولوسا سسلندی
"قاراباغدا یاشایان ارمنی اهالینین یاخیندا داها یاخشییا دوغرو بیر دییشیم گؤرهجگیندن آرخایینام"
آذربایجان جمهورباشقانی ایلهام علییئو، آذربایجانین قاراباغدا اؤز اگمنلیگینی یئنیدن تامین ائتدیگینی ایفاده ائدرک،
"قاراباغدا یاشایان ارمنی اهالینین یاخیندا داها یاخشییا دوغرو بیر دییشیم گؤرهجگیندن آرخایینام" دئدی.
علییئو، آذربایجان اوردوسونون قاراباغدا تشکیل ائتدیگی و آتیشکسله نتیجهلنهن آنتیترور عملیاتی سونراسیندا دونهن خالقا سسلهندی.
ایکیسی مولکی وطنداش ۶ آذربایجان وطنداشینین اؤنجهکی گون ارمنی سلاحلی گوجلری طرفیندن دؤشهنیلهن مینلرین پاتلاماسی سببی ایله حیاتینین ایتیردیگینی خاطیرلادان علییئو، ۲.جی قاراباغ ساواشی سونراسیندا ۳۰۰دن چوخ آذربایجان وطنداشینین مین ترورونون قوربانی اولدوغونو بیلدیردی.
علییئو، لاچیندا سرحد کنترل نقطهسی قورولانا قدر ارمنیستاندان قاراباغا مینلر گتیریلدیگینی و موختلیف یئرلره دؤشنیلدیگینی ایفاده ائدرک،
"بو مینلر ۲۰۲۱ ارمنیستان اورهتیمی ایدی. بو دا مینلرین ۲.جی قاراباغ ساواشی سونراسیندا آذربایجانا قارشی ترور ائیلملری گئرچکلشدیرمک آماجی ایله گتیریلدیگینی اورتایا قویور. آذربایجان، تئزلیکله لازیم اولان آددیملاری آتاراق دوشمنی لایق اولدوغو شکیلده جزالاندیردی. لوکال اؤزللیکلی آنتیترور تدبیرلرینه باشلانیلدی و یالنیز بیر گونده بوتون وظیفهلر یئرینه یئتیریلدی، تروریستلر جزالاندیریلدی. آذربایجان اؤز اگمنلیگینی یئنیدن ساغلاندی" ایفادهلرینی ایشلتدی.
علییئو، عملیات اؤنجهسینده بوتون بیرلیکلره قاراباغداکی ارمنی اهالینین ضرر گؤرمهمهسی اوچون جدی تاپشیریق وئردیگینی بیلدیرهرک،
"بیز یوکسک حساسیتلی سلاحلاردان ایستیفاده ائدرک بونو باجاردیق" دئدی.
ایلهام علییئو، عملیاتین دورماسی اوچون ارمنی گوجلرین سلاح بوراخماسی، سلاحسیزلانماسی و آذربایجان تورپاقلاریندان چیخماسی شرطینی قویدوقلارینی خاطیرلاداراق، ارمنی گوجلرینین بو شرطلری قبول ائتمهسی ایله آتیشکسین اعلان ائدیلدیگینی وورغولادی.
علییئو، قاراباغ ارمنیلرینین تحصیل، مدنی، دینی، بلدیه سئچیمی کیمی بوتون حاقلارینین ضمانت آلتینا آلیناجاغینی ایفاده ائدرک،
"آذربایجاندا دینی و میللی آیریمچیلیق یوخدور و اولمایاجاق" شکلینده دانیشدی.