قاراباغدا دؤردو پلیس ۶ آذربایجان تورکو شهید اولدو
یاسادیشی ارمنی گوجلرین دؤشهدیگی مینین پاتلاماسی نتیجهسینده ۴ پلیس و ۲ یول چالیشانی شهید اولدو
قاراباغدا یاسادیشی ارمنی گوجلرین دؤشهدیگی مینین پاتلاماسی نتیجهسینده ۴ آذربایجانلی پلیس شهید اولدو.
آذربایجان باش ساوچیلیغی، ایچ ایشلری باخانلیغی و دؤولت تهلوکهسیزلیک خیدمتیندن وئریلهن اورتاق آچیقلامادا، خوجاوند ائلی احمدبیلی-فضولی-شوشا قورو یولوندا، آذربایجان اتومبیل یوللاری دؤولت آژانسینا (آذراوتویول) عاید کامیونون مینین اوزریندن گئچدیگی قید ائدیلدی.
گئچیش آنیندا میدانا گلن پاتلامادا ۲ نفرین حیاتینی ایتیردیگی ایفاده ائدیلهن آچیقلامادا، حادثه یئرینه گئدن پلیس آراجینین دا باشقا بیر مینین اوزریندن گئچدیگی ایفاده ائدیلدی.
آچیقلامادا، یاسادیشی ارمنی گوجلر طرفیندن دؤشهنیلهن مینین پاتلاماسی نتیجهسینده ۴ پلیس مأمورونون شهید اولدوغو و ترور ائیلمی اولاراق تانیملانان حادثه ایله باغلی سوروشدورما باشلادیلدیغی بیلدیریلدی.
آذربایجان دؤولت تهلوکهسیزلیک خیدمتی، قاراباغداکی یاسادیشی ارمنی گوجلرین دؤشهدیگی مینین پاتلاماسی نتیجهسینده آذراوتویول چالیشانی ۲ نفرین حیاتینی ایتیردیگینی بیلدیرمیشدی.