لاچین دالانی بیرلشمیش میللتلرده دانیشیلدی

ارمنیستان، لاچین یولونون اینسانی کؤمکلرین چاتدیریلماسینا باغلانیلدیغی ادعاسینی بیرلشمیش میللتلر گوونلیک شوراسینا داشیدی.
بیرلشمیش میللتلر گوونلیک شوراسی، ارمنیستانین چاغیریشی اوزرینه عاجیل توپلاندی. ییغینجاق‌دا "لاچین یولو ادعالاری" دانیشیلدی.
آذربایجانین بیرلشمیش میللتلر نزدینده‌کی دایمی نماینده‌سی ائلچی یاشار علییئو، ارمنیستانین لاچین یولویلا باغلی اورتایا آتدیغی ادعالارین "اساسسیز و مسندسیز" اولدوغونو وورغولایاراق، اؤلکه‌سینین بونلاری رد ائتدیگینی سؤیله‌دی.
ارمنیستانین، اولوسلارآراسی توپلومو ائتکیله‌مه‌یه چالیشدیغینی سؤیله‌یه‌ن علییئو، لاچین کوریدورونون اونسوز دا قیسا مدت اؤنجه آچیلدیغی بیلگیسینی پایلاشدی.
تورکیه‌نین بیرلشمیش میللتلرده‌کی دایمی نماینده‌سی ائلچی سدات اؤنال دا ارمنیستانین لاچین یولونا باغلی سیاسی آماجلی ادعالارینی دیله گتیرمک اوچون اولوسلارآراسی پلتفورملاردان ایستیفاده ائتمه گیریشیملرین‌دن تورکیه‌نین دویدوغو راحاتسیز‌لیغی دیله گتیردی.
آذربایجانین طبیعی اگمنلیک حاقلارینا سایغی گؤستریلمه‌سی لازیم اولدوغونو وورغولایان اؤنال،
"آذربایجان ایله ارمنیستان آراسین‌داکی باریش گؤروشمه‌لرینی گوجلو بیر شکیلده دستکله‌مه‌یه داوام ائدیریک" دئدی.
سدات اؤنال، هر شئی‌دن اؤنجه، آذربایجانین قانونی قایغیلارینین دقته آلینماسی و طبیعی اگمنلیک حاقلارینا سایغی گؤستریلمه‌سی لزومونا توخوناراق، آذربایجانین، لاچین یولوندان سلاحلی قروپلارا لوازیم گؤندرمه مقصدیله سوء ایستیفاده ائدیلمه‌سی و قاراباغ‌دا یاسادیشی معد‌ن ایشلدیلمه‌سی قونوسون‌داکی اوزون سوره‌‌لی قایغیلارینا دقت چکدی.
اؤنال،
آنجاق بو قایغیلار و حساسیتلر دقته آلینمامیش و آذربایجان، اگمنلیک حاقلاری چرچیوه‌سینده اویغون گؤردوگو شکیلده اؤز تورپاقلارین‌دا تدبیرلر آلماق مجبوریتینده حس ائتمیشدیر. آذربایجانین بو تدبیرلر تطبیق اولونارکه‌ن اینسانی ملاحظه‌لری گودمه‌یه دقت گؤستردیگینی بیلیریک" ایفاده‌لرینی ایشلتدی.