جمهور باشقانی اردوغان بوتون دونیایا چاغیریش ائدیب
جمهور باشقانی اردوغان بوتون دونیانی یاخین زاماندا قوزیی قیبریس تورک جمهوریتینی تانیماغا چاغیریب.
جمهور باشقانی رجب طیب اردوغان بیرلشمیش میللت‌لر تشکیلاتی‌نین (بمت) تریبونوندان بوتون دونیایا تاریخی چاغیریشینی تکرارلاییب و "قوزیی قیبریس تورک جمهوریتی"-نی مومکون قدر تئز تانییین" دئییب.
جمهور باشقانی اردوغان قوزیی قیبریس تورک جمهوریتینین (KKTC) پرزیدنتی ارسین تاتار ایله بیرلیکده پایتاخت لفکوش-دا کئچیریلن 20 جولای باریش و آزادلیق بایرامی‌نین رسمی مراسیمینده چیخیشیندا 1963-1974-جو ایللر دؤورونون تأسف کی، قیبریس تورک‌لری اوچون قان، گؤز یاشی و قیرغین‌لار دئمک اولدوغونو، لاکین تورک میللتی‌نین ظالیم لره هئچ واخت باش ائیمه‌دیگینی سؤیله‌ییب.
جمهور باشقانی اردوغان تورکیه-نین گارانتی موقاویله‌سینه اساس‌لانان حقوق و عهده لیک لری چرچیوه‌سینده قهرمان محمتجیکلرین آدایا داخیل اولدوغو 20 جولای 1974-جو ایل تاریخی‌نین قیبریس تورک‌لری‌نین هئچ واخت تک اولمادیغینی، تورک میللتی‌نین هئچ واخت تابع اولا بیلمه‌یه‌جگینی دونیایا بیر داها گؤستردیگینی دیله گتیریب.
20 جولای قیبریس تورک خالقی‌نین باریش و امین-آمان‌لیق حسرتینه اویغون اولا‌راق، اگمنلیک حقوق‌لاری‌نین و برابر ایستاتوسونون قورونوب ساخلانماسی‌نین سیمبولودور"، - دئیه اردوغان بیلدیریب.
قیبریس روم رهبرلیگی‌نین تؤرتدیک‌لری وحشی‌لیک‌لری و قتل عام لاری بوتون دونیا‌دان گیزلتمه‌یه چالیشدیغینی بیلدیرن جمهور باشقانی اردوغان دئییب:
"آنجاق نه ائتسه‌لر ده، بونا نایل اولا بیلمه‌یه‌جک‌لر. بیز بو تورپاق‌لاردا تؤره‌دیلن قیرغین‌لاری نه اونوداجاغیق، نه ده اینسان‌لارا اونوتدوراجاغیق. دونیانین دا اونوتدورماسینا ایمکان وئرمیجییک".
قیبریس تورک‌لری‌نین اگمن برابرلیگی و برابر اولوسلار آراسی ایستاتوسو قئیده آلینمادیغی مدتجه یئنی دانیشیق‌لار سوره جینین باشلانماسیندان صحبت گئده بیلمه‌یه‌جگینی قئید ائدن دؤولت باشچی‌سی دئییب:
"شرط‌لر نه اولورسا اولسون، قیبریس تورک‌لری‌نین برابر اگمنلیگینی و برابر اولوسلار آراسی ایستاتوسونو تصدیق ائتمک سعی‌لریمیزدن گئری چکیلمه‌یه‌جییک. سیزین معروض قالدیغینیز غیری-قانونی، غیری-اینسانی تجرید و تحریم لری آرا‌دان قالدیرماق مقصدی ایله سعی‌لریمیز قطعیت ایله داوام ائده‌جک".
آدانین قدیم و اساس عنصورو اولان قیبریس تورک‌لرینی دونیا‌دان آییریب گؤرمزلیک‌دن گلمیین مومکون اولمادیغینی ایفاده ائدن جمهور باشقانی اردوغان، "بو سبب‌دن بیرلشمیش میللت‌لر تشکیلاتی‌نین عمومی ایجلاسینین تریبونوندان بوتون دونیایا تاریخی چاغیریشیمی تکرارلاییرام، آدا‌داکی حقیقت‌لر قارشی‌سیندا گؤزلرینی یوممایین و قوزیی قیبریس تورک جمهوریتینی ان قیسا زاماندا تانییین" دئییب.
پرزیدنت اردوغان قوزیی قیبریس تورک جمهوریتینده‌کی تماسلاریندان سونرا تورکیه-یه قاییدیب.
