تورک دونیاسی میللت وکیللری بیرلیگینین آنکارادا کئچیریلن تدبیری
تورک دونیاسی میللت وکیللری بیرلیگی تورک دونیاسی دوستلوق قروپو صدرلری و سفیرلریله تانیش اولماق مقصدیله ضیافت وئریب.
تورک دونیاسی میللت وکیللری بیرلیگی تورک دونیاسی دوستلوق قروپو صدرلری و سفیرلریله تانیش اولماق مقصدیله ضیافت وئریب.
بیرلیگین صدری نایل چلبی پایتاخت آنکارادا تورکیه بؤیوک میللت مجلیسی سوسیال تاسیس لرینده وئریلن ضیافتده ائتدیگی چیخیشدا بیرلیگین قورولما مقصدی، هدفلری و فعالیتلری بارهده معلومات وئریب.
چلبی چیخیشیندا بیرلیگین تورک دونیاسینداکی میللت وکیللرینین عضو اولا بیلهجکلری تک غیری-حکومت بیرلیگی اولدوغونو وورغولاییب.
نایل چلبی سون بئش ایلده تورک دونیاسیندا موختلیف لاییحهلر حیاتا کئچیردیکلرینی، فعالیتلرین گوجلو تأثیر دایرهسینین اولدوغونو و بونون داها بؤیوک لاییحهلر حیاتا کئچیرمهلرینه تحفه وئردیگینی سؤیلهییب.
چلبی بیرلیگین تورکدیللی اؤلکهلرین پارلامئنت آسسامبلیاسی (تورک پا) و تورک کنشینه موشاهیدچی عضولوک اوچون مراجعت ائدیلدیگینی ده بیلدیریب.
تورک دونیاسی میللت وکیللری بیرلیگینین صدری امریکا سناتینین 1915-جی ایل حادثهلرینی دیرناقاراسی “سوی قیریم” اولاراق تانییان قرار لاییحهسینی قبول ائتمهسینی سرت شکیلده قینادیقلارینی بیلدیرهرک، “دیرناقاراسی ارمنی سوی قیریمینی تانییان قرارلا امریکا ایمپئریالیزمی حقیقی اوزونو اورتایا چیخاردی. امریکا تورک میللتینین گؤزونده ریاکار، اعتبارینی ایتیرمیش، آلچاق و تورک دوشمنی بیر دؤولتدیر” دئیه قئید ائدیب.