قیرقیزیستاندا، چینگیز آیتماتووون آنا‌دان اولماسی‌نین 90-جی ایلدؤنومو قوتلانیب

قیرقیزیستانین جنوبون‌داکی اوش شهری، یازیچی چینگیز آیتماتووون آنا‌دان اولماسی‌نین 90-جی ایلدؤنومو موناسیبتیله آنما تدبیرلرینه ائو صاحب‌لیگی ائدیب.

آیتماتووون 90-جی دوغوم گونو موناسیبتیله اوش میللی درام تئاتریندا "اوش-چینگیز آیتماتووون طالعیینده" موضوعسوندا کونفرانس کئچیریلیب، شهر میدانیندا مؤلفله باغلی سرگی آچیلیب.

تدبیرلر چرچیوه‌سینده آیتماتووون حیاتینی موضوع آلان تئاتر اویونو نوماییش ائتدیردی. بون‌دان باشقا، آت یارش میدانیدا کؤک-بؤرو میللی آت اویون‌لاری فینا‌لی اوینانیب.

پرزیدنت سوورونبای جئنبئکوو، مجلیس باشقانی داستانبک جومابکوو، ناظیرلرین، والی'لرین قاتیلیمی ایله گئرچک‌لشن تدبیرلرده اؤلکه‌نین بوتون بؤلگه'لرینده‌ نماینده‌لر چوخ ماراق گؤستردی.

پرزیدنت جئنبئکوو بورادا ائتدیگی چیخیشیندا، "بو ایل، قیرقیز خالقی ایله بیرلیکده دونیا جمعیت‌لری، همشهریمیز چینگیز آیتماتووون دوغوم گونونو قئید ائدیر. قیرقیز خالقی‌نین ایستعدادلی اوغلونا گؤستریلن بو دقت و قایغییا گؤره سون‌سوز درجه‌ده ممنونوق. هم دونیادا، هم ده اؤلکه‌میزده قوروجولوق تدبیرلری تعقیب ائتمک‌دن و جوشغونلوقلا دستکلمک‌دن قورور دویوروق". دئدی.

آیماتوو عائله‌سی‌نین طالعیی‌نین، اوش شهری ایله چوخ باغلی اولدوغونو وورغولایان جئنبئکوو، "آیتماتووون اوشاق‌لیغی بو قدیم شهرده کئچدی. بو آنتیک شهر آیتماتووون اوشاق‌لیق فانتازی‌لرینی دوغوردو و دونیا گؤروشونو تأثیر ائتدی. بلکه ده کیچیک چینگیز ادبی ایستعدادلارین باشلانغیجی بو گؤزل شهرده تام اولا‌راق اورتایا چیخدی". دئیه دانیشدی.

بین الخالق تورک مدنیتی تشکیلاتی تورکسوی-ون 2018ی چینگیز آیتماتوو ایلی اعلان اولوندوغونو خاطیرلا‌دان جئنبئکوو، مؤلفین 90-جی دوغوم گونو موناسیبتیله تورکیه، اؤزبکیستان، روسیا، قازاقیستان و آذربایجاندا دولت سویه‌سینده آنیلدیغینی قئید ائدیب.