قیرقیزیستاندا تورکیه‌لی دکترلارا اؤدول وئریلدی

قیرقیزیستان ساغلیق باخانی، این‌اؤنو اونیوئرسیته‌سی تورگوت اؤزال طب مرکزی قاراجییر جالاغی اینستیتوسوندان بیشکئکه گئده‌رک قاراجییر جالاغی عملیاتینا قاتیلان طب هیئتی ایله گؤروشدو

2152321
قیرقیزیستاندا تورکیه‌لی دکترلارا اؤدول وئریلدی

 

قیرقیزیستان ساغلیق باخانی عالیم‌کادیر بیشن‌علییئو، باشکند بیشکئکده‌کی قیرقیزیستان-تورکیه دوستلوق دؤولت خسته‌خاناسیندا ایلک دفعه ائدیله‌ن قاراجییر جالاغی عملیاتینا قاتیلان این‌اؤنو اونیوئرسیته‌سی دکترلارینی اؤدوللندیردی.

قیرقیزیستان ساغلیق باخانلیغیندان وئریله‌ن آچیقلامایا گؤره، ساغلیق باخانی عالیم‌کادیر بیشن‌علییئو، این‌اؤنو اونیوئرسیته‌سی تورگوت اؤزال طب مرکزی قاراجییر جالاغی اینستیتوسوندان بیشکئکه گئده‌رک قاراجییر جالاغی عملیاتینا قاتیلان طب هیئتی ایله گؤروشدو.

بیشن‌علییئو، قاراجییر جالاغی اینستیتوسو مودور کؤمکچیسی دکتر وولکان اینجه‌یه، عمومی جراح دکتر کمال باریش ساریجییا، آنستزی اوزمانی دکتر دویغو دمیر اوزا، طب باجیسی امینه اریک و ائجه تاشدانا باخانلیغین ساغلیق خیدمتینده مکمللیک نیشانینی تقدیم ائتدی.

قاراجییر جالاغی قونوسوندا گئنیش تجروبه‌یه صاحب تورک متخصصلرله امکداشلیغین اؤنمینه دقت چکه‌ن بیشن‌علییئو، تورک دکترلارا تشکر ائتدی.

بیشن‌علییئو، عملیاتین اؤلکه‌سینده طب ساحه‌سینده‌کی اؤنملی بیر آددیم اولدوغونو و قاراجییر نقلینه احتیاج دویان خسته‌لر باخیمیندان بؤیوک اؤنم داشیدیغینی سؤیله‌دی.

قیرقیزیستانلی باخان، قیرقیزیستان-تورکیه دوستلوق دؤولت خسته‌خاناسیندا اؤدنیشسیز ائدیله‌ن بو جور عملیاتلارین داوام ائدجگینی قید ائتدی.



ایلگیلی‌لی خبرلر