۲۰ یانوار فاجعه‌سینین ۲۸.جی ایل دؤنومودور
بو اونودولماز آجیلارین ایل دؤنومونده، آذربایجان جمهوریتی ملتی شهیدلر خیابانینا یورویرک و چئشیدلی تدبیرلر دوزنله‌یرک شهیدلرینی آندی
بو گون آذربایجان خالقینین بؤیوک ۲۰ یانوار فاجعه‌سینین ۲۸.جی ایل دؤنومودور.
۱۹۹۰.جی ایل یانوارین ۱۹دان ۲۰سینه گئچن گئجه، ساعت ۲۳.۳۰دا باکی شهرینه گئچمیش سووئت اتفاقینین قوشون بیرلیک‌لری فؤوق‌ا‌لعاده وضعیت اعلان ائدیلمه‌دن گیردی، یالنیز باکی‌دا ۱۳۱ اینسان قتله یئتیریلدی، چوخ سایی‌دا اینسان ایسه یارالاندی و ایتکین دوشدو.
سووئت قوشونلارینین قانون‌سوز یئریدیلمه‌سی نتیجهسینده باکی‌دا و آذربایجان شهرلرینده ۱۴۶ نفر اؤلدورولدو، ۷۴۴ نفر یارالاندی، ۸۴۱ نفر قانون‌سوز حبس اولوندو. اؤلدورولنلر آراسیندا قادینلار، اوشاقلار و قوجالار و عاجیل یاردیم چالیشانلاری دا واردی.
قاباقجادان دوشونولوب حاضیرلانمیش بو سالدیرقانلیق آذربایجان خالقینین دموکراسی و میلی آزادلیق اوغرون‌دا مباریزه‌سینی بوغماق، خالقی تحقیر ائد‌رک اونا معنوی ضربه وورماق مقصدی داشیییردی. آنجاق بوتون بونلار آذربایجان میلتینی مستقیل‌لیک اوغرون‌دا موباریزه‌دن چکیندیره‌بیلمه‌دی. ۲۰ یانوار قیرغینین‌دان سونرا آذربایجان‌دا مستقیل‌لیک حرکاتی داها بؤیوک اؤلچوده داوام ائتدی و بیر ایل سونرا آذربایجان مستقیل‌لیگینی قازاندی.
بو اونودولماز آجیلارین ایل دؤنومونده، آذربایجان جمهوریتی ملتی شهیدلر خیابانینا یورویرک و چئشیدلی تدبیرلر دوزنله‌یرک شهیدلرینی آندی.
