قوزئی قیبریس تورک جمهوریتی: قیبریس مذاکیره‌لری 11 آوریلده یئنی‌دن باشلایاجاق
قوزئی قیبریس تورک جمهوریتی پرزیدنتی آکینجی، بلژیک‌ین باشکندی بروکسل‌ده بیرلشمیش میللت‌لر (بمت) باش کاتیبی آنتونیو گوتررس ایله گؤروشمه‌سی سونراسیندا آچیقلاما وئردی
قوزئی قیبریس تورک جمهوریتی پرزیدنتی مصطفی آکینجی، قیبریس موضوعسون‌داکی مذاکیره‌لرین 11 آوریلده یئنی‌دن باشلایاجاغینی سؤیله‌دی.
قوزئی قیبریس تورک جمهوریتی پرزیدنتی آکینجی، بلژیک‌ین باشکندی بروکسل‌ده بیرلشمیش میللت‌لر (بمت) باش کاتیبی آنتونیو گوتررس ایله گؤروشمه‌سی سونراسیندا آچیقلاما وئردی.
مصطفی آکینجی، قیبریس موضوعسون‌داکی مذاکیره‌لرین گونئی قیبریس روم یؤنتیمی‌نین انوسیس‌ین ایلدؤنومونون مکتب‌لرده قید اولونماسی قراری سونراسی دایاندیغینی خاطیرلاددی.
آکینجی، بمت قیبریس اؤزل نماینده‌سی اسپن بارت اید حمایه‌سینده، 2 آوریل بازار آخشامی یئییلن یئمکده راضیلاشما تامین ائدیلدیگینی، هر ایکی طرفین ده 11 آوریلده دانیشیق‌لارا باشلاماغا حاضیر اولدوق‌لارینی سؤیله‌دی.
آکینجی و گونئی قیبریس روم لیدری نیکوس آناستاسیادیس آراسیندا می 2015-جی بو یانا داوام ائدن مذاکیره‌لر چرچیوه‌سینده 16 فوریه‌دکی گؤروشمه‌ده، آناستاسیادیس قاپینی محکم وورا‌راق مذاکیره ماساسین‌دان قالخمیشدی.
آکینجی دا، انوسیس قرارین‌دان گئری آددیم آتیلمادیقچا مذاکیره‌لره قاتیلمایاجاغینی بیلدیرمیشدی.
