20 یانوار، بیر ملتین یئنیدن دوغوشو
بو گون فاجعه ایله یاناشی قهرمانلیق سالنامهسی ساییلان 20 یانوار حادثهلرینین 27.جی ایلی تامام اولور
1990.جی ایل یانوارین 19دان 20سینه گئچن گئجه سووئت اوردوسو آذربایجان خالقینا قارشی ترور آکتی تؤرتدی؛ باکی واختی ایله ساعات 12.00دا اؤلکه اراضیسینده شهیدلرین خاطرهسی بیر دقیقهلیک سوکوتلا یاد ائدیلهجک، گمیلر، اتومبیللر و قاتارلار سس سیقناللاری وئرهجک.
آذربایجانین آزادلیغی و اراضی بوتؤولوگو اوغروندا موباریزه تاریخینه قهرمانلیق صحیفهسی کیمی داخیل اولموش، 1990.جی ایلین 20 یانواریندا اؤلکهمیزه قارشی اراضی ادعالاری ایرهلی سورن ارمنیستانین تجاووزکار حرکتلریندن و کئچمیش سوئت رهبرلیگینین اونلارا هاوادارلیغیندان حیدتلنن، باکینین کوچهلرینه و میدانلارینا چیخاراق بونا اؤز قطعی اعتراضینی بیلدیرن گئنیش خالق کوتلهلرینه قارشی سووئت اوردوسونون دؤیوش حیصهلرینین یئریدیلمهسی آذربایجاندا میثلی گؤرونمهمیش قیرغینا گتیریب چیخاردی.
سووئت قوشونلارینین تجاووزو نتیجهسینده رسمی رقملره گؤره، باکیدا 137 مولکی وطنداش اؤلدورولموش، 744 نفر یارالانمیشدی. اؤلدورولنلر آراسیندا بئش میللتین نمایندهلری، 20دن چوخ قادین، اوشاق وار ایدی.
بو گون فاجعه ایله یاناشی قهرمانلیق سالنامهسی ساییلان 20 یانوار حادثهلرینین 27.جی ایلی تامام اولور.
قانلی 20 یانوار هر ایل آذربایجاندا عموم خالق حوزن گونو اولاراق قید اولونور. هر ایل اولدوغو کیمی، بو گون ده گون عرضینده اون مینلرله اینسان، او جملهدن اؤلکه پرزیدنتی، دؤولت و حکومت رسمیلری، دئپوتاتلار، مخالیفت پارتیالاری، دیپلوماتیک کورپوسون نمایندهلری شهیدلر خیابانینی زیارت ائدهجکلر.
یئنی مساوات