رنسانس هویتی ترکان ایران، کیتابی تورکیه تورکجهسینه ترجومه اولدو
ایرانین معاصر تاریخ آراشدیرماچیسی و بو گونه قدر 42 کیتابی نشر اولونموش تبریزلی یازیچی علی اصغر حقدارین تورکیهنین باشکندی آنکارادا “ایران تورکلرینین کیملیک رؤنسانسی” (" رنسانس هویتی ترکان ایران") آدلی یئنی کیتابی یایینلاییب
![رنسانس هویتی ترکان ایران، کیتابی تورکیه تورکجهسینه ترجومه اولدو](http://cdn.trt.net.tr/images/xlarge/rectangle/5f8e/7981/3e36/57d2a6dc8e43f.jpg?time=1718771749)
ایرانین معاصیر تاریخ آراشدیرماچیسی و بو گونه قدر 42 کیتابی نشر اولونموش تبریزلی یازیچی علی اصغر حقدارین تورکیهنین باشکندی آنکارادا “ایران تورکلرینین کیملیک رؤنسانسی” (" رنسانس هویتی ترکان ایران") آدلی یئنی کیتابی یایینلاییب
"سون چاغ" نشریاتی طرفیندن چیخان بو کیتاب اوچ اساس حیسهدن عبارتدیر. ایلک بؤلومده ایران و ایران تورکلرینین هون ایمپراتورلوغوندا تا 1924-جی ایله قدر تاریخی، ایکینجی حیسهده ایراندا آذربایجان تورکجهسینده دیل و ادبیات، اوچونجو حیسهده ایراندا تورک طایفهلارینین جوغرافی بؤلگوسونده بحث ائدیلیر.
بیرینجی ال منبعلردن ایستیفاده ائدیلهرک یازیلان بو کیتاب بیرینجی دفعه فارس دیلینده چیخیب، یاییلیب، سونرا تورکیه تورکجهسینه ترجومه ائدیلهرک ساتیشا تقدیم اولونوب.
“آراز نیوز تی.وی”نین معلوماتینا گؤره، کیتابین یازیچیسی علی اصغر حقدار “ایران تورکلرینین کیملیک رؤنسانسی” کیتابیندا ایرانین مختلیف تاریخی دؤورلرینده تورکلرین وارلیغینی دگرلندیرمکله یاناشی، تورک توپلومونون سیاسی، مدنی و جوغرافی کیملیکلری و همین کیملیکلر اوزریندن آسیمیلیونا معروض قالماسی آراشدیریلیب
2014-جو ایلده “”Human Rights Watch تشکیلاتی طرفیندن تاسیس ائدیلن Helman/Hammett اؤدولونه ده لاییق گؤرولموش علی اصغرگر حقدار دئییر: “منیم ایختیصاصیم معاصیر تاریخله باغلیدیر. باخدیم کی، بیزدن هئچ دانیشمیرلار، ایستر مشروطه دؤورو، ایستر پهلوی، ایستر ایسلام جمهوریتی دؤورونده تورکلرله باغلی. اونا گؤره بو کیتابی یازماغا قرار وئردیم. من اساساً پهلوی و ایسلام جمهوریتی دؤورلرینه توخونموشام. سونرا دیلیمیز تورکجه (آذربایجان تورکجهسی) حاقیندا یازمیشام. رؤنسانسی داها چوخ بو یئرده آچیقلامیشام: یئنی ادبیات، رومانلار و شعرلر.”
"ایراندا تورک دیلینه وورولان" آذری "دامغاسی هر یئرده بیز آذربایجان تورکلرینی اینجیدیر. بیر ساختالاشدیرما و تحریفدیر "، - دئین تبریزلی یازیچی حال-حاضیردا آذربایجان میللی حرکاتینین تاریخینه دایر کیتابین اوزرینده چالیشدیغینی بیلدیریب.