اهرده اوستاد عاشیق ولی عبدی‌نین یوبیلئی تدبیری کئچیریلدی
عاشیق ولی عبدی یاریم عصیردیر کی، صدف‌لی ساز سینه‌سینده آذربایجان تورپاق‌لارینی قاریش-قاریش گزیب، ساز دیلینده دانیشیب، آذربایجان خالق یارادیجی‌لیغی‌نین اینکیشافیندا اؤزونه مخصوس رول اویناییب
اهرده اوستاد عاشیق ولی عبدی‌نین یوبیلئی تدبیری کئچیریلدی
بو گون‌لرده ایرانین شرقی آذربایجان ویلایتی‌نین اهر شهرینده تبریز و قاراداغین تانینمیش اوستاد عاشیغی ولی عبدی‌نین یارادیجی‌لیغی‌نین 50 ایللیک یوبیلئیی کئچیریلیب.
تدبیری ایران مدنیت ناظیرلیگی‌نین اهر شعبه‌سی و تبریزین صنعت آدامی خسرو سرتیبی طرفین‌دن حاضیرلانیب. سرتیبی تبریز و اطراف شهرلرده نئچه-نئچه آذربایجان صنعتکارلاری‌نین تدبیری‌نین سناریو مؤلفی و آپاریجی‌سی‌دیر.
یوبیلئیده ایران مدنیت ناظیرلیگی‌نین نماینده‌لری، اهر شهری ایجرا باشچی‌سی و بله‌دییه رسمی‌لری چیخیش ائدیب‌لر.
عاشیق آیت قبری‌نین باشچی‌لیغی ایران عاشیق‌لار بیرلیگی تبریز شعبه‌سی‌نین بئش نماینده‌سی، عاشیق حسین نجفی‌نین باشچی‌لیغی خسته قاسیم عاشیق مکتبی‌نین گنج عاشیق‌لاری، عاشیق چنگیز بیریا، عاشیق عباس قاراداغ‌لی، شاعر سخاوت عزت و باشقا تانینمیش اینسان‌لار اوستاد عاشیغین یوبیلئی تدبیرینی اؤز ایفا‌لاری ایله رنگلندیریب‌لر.
عاشیق ولی عبدی یاریم عصیردیر کی، صدف‌لی ساز سینه‌سینده آذربایجان تورپاق‌لارینی قاریش-قاریش گزیب، خالقین توی-دوگونونده قیزا-اوغلانا، گلینه-بی‌ه، آغبیرچه‌یه-آغساققالا ساز دیلینده دانیشیب، آذربایجان خالق یارادیجی‌لیغی‌نین گلیشمه‌سینده اؤزونه مخصوس رول اویناییب.
ایلگیلی‌لی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"
