ایران کونسوللوغو اؤنونده اعتراض
ایستانبول تورک اوجاق‌لاری، ایران‌داکی بیر تلویزیون کانالیندا یایینلانان پروگرامدا، تورک‌لری تحقیر ائدیلدیگی سببیله ایران کونسوللوغو قارشی‌سیندا اعتراض ائیلمی گرچکلشدیردی
ایستانبول تورک اوجاق‌لاری گنج‌لیک قوللارینا عضو بیر قروپ، ایران کونسوللوغو قارشی‌سیندا توپلاندی. ایراندا بیر تلویزیون کانالیندا یایینلانان پروگرامدا تورک‌لرین تحقیر ائدیلدیگی سببیله بیر آرایا گلن قالابا‌لیق، اؤنجه کونسوللوق بیناسینا قارا چلنگ و فیرچا بوراخدی آردین‌دان مطبوعات آچیقلاماسی ایله ائدیلن تحقیره اعتیراض ائتدی.
بورادا قروپ آدینا دانیشان ایستانبول تورک اوجاغی گنج‌لیک قول‌لاری باشقانی مصطفی اوغوز یاواشجان، "6 نوامبر جمعه گونو ایران رادیو تلویزیون قورومونا باغ‌لی بیر کانالدا یایینلانان فیتیله آدلی اوشاق پروگرامی، تورک‌لری "جاهیل، مدنیت‌سیز و ان پیس ایشلریله مشغول اولان بیر توپلولوق" اولاراق سونموشدور. تورک‌لره قارشی عرقچی ایفاده‌لر قوللانمیشدیر. عرقچی‌لیق و آیریمچی‌لیق دارتیشما‌سیز اولاراق بوتون حقوق دوزنلری طرفیندن قبول ائدیلن بیر سوچدور. بو سوچو، تاریخین ارکن دؤورلرین‌دن اعتیبارا او جغرافیادا قدر اورتاق‌لیغی ائتمیش ایکی میلت‌دن بیری‌نین دیگرینه قارشی ایشلمیش اولماسی ایسه دورومون جیدی‌لیگینی آرتیران بیر عنصور اولموش‌دور" دئدی.
یاواشجان، "بیرلشمیش میللت‌لر آندلاشماسی‌نین گیریش قیسیمی "اینسانین اساس حاق‌لارینا، اینسانین شرف و دگرینه، کیشی و قادین‌لارین حاق برابرلیگینه و کیچیک بؤیوک بوتون میللت‌لرین برابرلیگینه اولان اینانجی" آچیقجا تصدیق ائتمکده‌دیر. بیرلشمیش میللت‌لر تشکیلاتی‌نین دؤرد اصل وظیفه‌سین‌دن بیری "عرق، جینسیت، دیل و یا دین آیریمی ائتمه‌دن هر کس اوچون اینسان حاق‌لاری و اساس اؤزگورلوکلره سایقینی تشویق ائتمک‌دیر. بو آماجا خیدمت ائتمک اوزره یازیلان بیرلشمیش میللت‌لر تشکیلاتی‌نین 1966.جی ایل تاریخ‌لی هر نؤوع عیرق آیریمچیلیغینین اورتادان قالدیریلماسینا دایر سؤزلشمه‌سینه طرف دؤولت‌لردن بیری ده ایران ایسلام جمهوریتی‌دیر" دئدی.
قروپ ائدیلن مطبوعات آچیقلاماسی‌نین آردین‌دان یئریییشه گئچدی. یئریییشین آردین‌دان اولای‌سیز شکیلده داغیلدی.
"ملیت"
