اردوغان، خزر نفت و گاز سرگیسینین آچیلیشینا مئساژ گؤندردی

اردوغان، تۆرک دونیاسی اولاراق اؤلکه‌لر آراسیندا ایش‌بیرلیکلرینی داها دا ایر‌لی سویه‌لره داشیماق و درینلشدیرمک آرزوسوندا اولدوقلارینی قید ائتدی

2148338
اردوغان، خزر نفت و گاز سرگیسینین آچیلیشینا مئساژ گؤندردی

جمهورباشقانی رجب طیب اردوغان آذربایجانلا تورکیه‌نین اورتاق پروژه‌لرینین یالنیز ایکی اؤلکه‌یه دئییل بؤلگه‌نین و آوروپانین انرژی گوونلیگینه ده اؤنملی قاتقیلار وئردیگینی ایفاده ائتدی.

جمهورباشقانی اردوغان، آذربایجانین باشکندی باکیدا تشکیل ائدیله‌ن ۲۹.جو اولوسلارآراسی خزر نفت و طبیعی گاز سرگیسینین آچیلیشینا مئساژ گؤندردی.

باکی انرژی هفته‌سی چرچیوه‌سینده تشکیل ائدیله‌ن بوتون فعالیتلرین مثبت نتیجه‌لره لیدئرلیک ائتمه‌سینی دیله‌دیگینی ایفاده ائد‌ن اردوغان، بو تشکیلاتین تورکیه ایله آذربایجان آراسینداکی امکداشلیغین درینلشمه‌سینه وسیله اولماسی و بؤلگه‌نین باریش و ثابیتلیگینه قاتقیلار وئرمه‌سینی آرزو ائتدی.

اردوغان، تورکیه ایله آذربایجانین هر ساحه‌ده اولدوغو کیمی انرژی ساحه‌سینده ده گوجلو ایلیشکییه صاحب اولدوغونو وورغولایاراق، "اوزون ایللره دایانان و باکی-تیفلیس-جئیحان، باکی-تیفلیس-ارزوروم بورو خطلری و ترانس آنادولو طبیعی گاز بورو خطی (تاناپ) کیمی آلت یاپی سرمایه‌لری ایله گوجلندیگیمیز امکداشلیغیمیز یالنیز تورکیه و آذربایجانا فایدا وئرمه‌میش، بؤلگه‌نین و آوروپانین انرژی گوونلیگینه ده اؤنملی قاتقیلار وئرمیشدیر. تورکمنیستاندا چیخاریلاجاق گازین اورتاق چابالاریمیزلا تورکیه‌یه و آوروپایا گؤندریلمه‌سی و تاناپین توتومونون گئنیشلدیلمه‌سی آرتیق یالنیز زامان مسئله‌سیدیر. بو مؤوضوعلارداکی ایشلریمیزین چوخ یاخیندا ثمر وئرمه‌سی شوبهه‌سیز تورکیه و آذربایجانین بیر باشقا اورتاق باشاریسی اولاجاق" ایفاده‌لرینی ایشلتدی.

اردوغان، تۆرک دونیاسی اولاراق اؤلکه‌لر آراسیندا سیاسی، اقتصادی، تیجاری، گوونلیک، عسگری، ساوونما صنایعی، نقلیات، ساغلیق، تحصیل و مدنیت ساحه‌لرینده اولدوغو کیمی انرژی ساحه‌سینده ده ایش‌بیرلیکلرینی داها دا ایر‌لی سویه‌لره داشیماق و درینلشدیرمک آرزوسوندا اولدوقلارینی قید ائتدی.



ایلگیلی‌لی خبرلر