علی‌یئو تفلیس‌ده
" آذربایجان گازی 2018.جی ایلده تورکیه‌یه، 2020.جی ایلده ایسه آوروپایا داها بؤیوک حجمده چاتدیریلا‌جاق"
411867
آذربایجان پرزیدنتی ایلهام علی‌یئو، گورجوستانین باشکندی تفلیس‌ده.
ایلهام علی‌یئو، گورجوستان پرزیدنتی گیورگی مارگولاشویلی ایله بیر آرایا گلدی.
گؤروشمه‌ده، بیرلیکده حیاتا گئچیریلن نقلیات و انرژی پروژه‌لری گوندمه گلدی؛ گوونلیک، اقتصاد، تیجارت و نقلیات ساحه‌لرینده 'اورتاق بیلدیری' ایمضالاندی.
پرزیدنت علی‌یئو، ایکی اؤلکه ایلیشکی‌لری‌نین چوخ یاخشی گئتدیگینه دقت چئکه‌رک تورپاق بوتؤو‌لوگو قونوسوندا دا دایانیشما ایچینده اولدوقلارینی ایفاده ائتدی.
گونئی گاز دهلیزی پروژه‌سی‌نین اؤنمینه ده توخونان علی‌یئو، پروژه‌نین هم آذربایجان، هم گورجوستان، هم ده آوروپا اوچون بؤیوک اقتصادی و سیاسی معنا داشیدیغینی وورغولادی.
علی‌یئو، "امینم کی، آذربایجان گازی 2018.جی ایلده تورکیه‌یه، 2020.جی ایلده ایسه آوروپایا داها بؤیوک حجمده چاتدیریلا‌جاق" دئدی.
