تورک کنه‌شی
"سیاسی هدف‌لریمیزی یئنی مئدیا آراج‌لارینی دا قوللاناراق گئنیش کوتله‌لره ائتکیلی بیر شکیلده آنلادابیلمه‌لییک"
قازاقیستان‌ین باشکندی آستانا، تورک کنه‌شی توپلانتیسینا ائو صاحب‌لیگی ائتدی.
تورک اؤلکه‌لری امکداش‌لیق شوراسی‌نین 5.جی‌سینه تورکیه بؤیوک میلت مجلیسی باشقانی عصمت ییلماز ایله خاریجی ایشلر باخانی فریدون سینیرلی‌اوغلو قاتیلدی.
جمهورباشقانلیغی ساراییندا تشکیل ائدیلن ذیروه‌یه قازاقیستان پرزیدئتی نورسلطان نظربایئو، آذربایجان پرزیدنتی ایلهام علی‌یئو ایله قیرقیزیستان پرزیدنتی آلمازبک آتامبایئو قاتیلدی.
توپلانتیدا اساس مؤوضوع "اینفورماسیون و مئدیا ساحه‌سینده امکداش‌لیق" ایدی.
تورک اؤلکه‌لری اولا‌راق اورتاق بیر تلویزیون کانا‌لی قورولماسی تکلیفینه، مجلیس باشقانی عصمت ییلماز‌دان دستک گلدی.
"سیاسی هدف‌لریمیزی یئنی مئدیا آراج‌لارینی دا قوللاناراق گئنیش کوتله‌لره ائتکیلی بیر شکیلده آنلادابیلمه‌لییک" دئین ییلماز، "ت‌رت آواز باشدا اولماق اوزره، تورک دونیاسینا خیطاب ائدن یایینلار قونوسون‌داکی تجروبه‌لریمیزین بو ایشده اؤنم‌لی بیر دایاناق تشکیل ائدجیینی دوشونوروک" شکلینده دانیشدی.
توپلانتیدا، عضو اؤلکه‌لری تروریزمه قارشی امکداشلیغا چاغیران مجلیس باشقانی ییلماز، داعش ترور هؤرگوتونون، تورکیه‌نین گوونلیگینه قارشی اؤنم‌لی بیر تهدید میدانا گتیردیگینه دقت چئکدی.
ییلماز، داعشه قاتیلیم‌لارین قارشی‌سی‌نین آلینماسی قونوسوندا هر جور امکداشلیغا حاضر اولدولارینی ایفاده ائده‌رک، بو قونودا بیلگی و استخبارات پایلاشیمینین سون درجه اؤنم‌لی اولدوغونو قید ائتدی.
ییلماز، امکداشلیغین، داعش تهدیدی‌نین داها گئنیش بیر جغرافیایا یاییلماسی‌نین قارشی‌سی‌نین آلینماسی باخیمین‌دان دا ضروری اولدوغونو سؤزلرینه علاوه ائتدی.
