بورولقان ان آز ۲۶ جان آلدی
اؤنجهکی گئجهدن دونن سحره ۸ ایالتی احاطه ائدن گئنیش بیر ساحهده ۵۷دهن چوخ بورولقان حادثهسی راپور ائدیلدی
آمریکا بیرلشمیش دؤولتلرینین اورتاباتی و گونئی ایالتلرینه تأثیر ائدن بورولقانلاردا حیاتینی ایتیرهنلرین ساییسی ۲۶ نفره یوکسلدی.
میللی مئتئورولوژی سرویسی؛ آرکانزاس، میسیسیپی، آیووا، تنسی، ایلینوی و ویسکانسین باشدا اولماق اوزره، اؤنجهکی گئجهدن دونن سحره ۸ ایالتی احاطه ائدن گئنیش بیر ساحهده ۵۷دهن چوخ بورولقان حادثهسینین راپور ائدیلدیگینی ایفاده ائتدی.
بورولقانلار سببی ایله تنسیده ۹، آرکانزاسدا ۵، ایندیانادا ۳، ایلینویده ۴، ممفیسده ۲سی اوشاق ۳ نفر، میسیسیپی و آلابامادا دا بیر نفر اولماق اوزره توپلام ۲۶ نفر حیاتینی ایتیردی.
اؤلکهدهکی الکتریک کسیلمهلرینی ایزلهیهن "PowerOutage.US" سایتینا گؤره، بو سحر اعتیبارییلا ۱۱۵ مینی پنسیلوانیا و ۳۷ مینی ویرجینیادا اولماق اوزره فیرتینالاردان تأثیرلنهن بؤلگهلرده ۱۵۰ میندن چوخ ائو و ایش یئرینه هله الکتریک وئریلهبیلمیر.
مسئوللار، بورولقان و شدتلی فیرتینالارین یول آچدیغی جان و مال ایتکیلری اوچون زیان تعیینی ایشلرینه داوام ائدیر.