نیجریهده وبا اپیدمیسی؛ 103 نفر اؤلوب
نیجریهده 7 آیدا وبا اپیدمیسیندن 103 نفر اؤلوب.
نیجریه خستهلیکلره نظارت مرکزینین مودورو ژیده ایدریس ژورنالیستلره بیلدیریب کی، وبا اپیدمیسی اؤلکهنین پایتاختی آبوجا و 34 ایالتینه باغلی 187 بؤلگهیه یاییلیب.
ایدریس، بو بؤلگهلرده 7 آیدا 3 مین 623 وبا حادثهسینین گؤرولدویونو، اپیدمیی سببیندن 103 نفرین حیاتینی ایتیردیینی بیلدیریب.
ایدریس یاغیشلارین وبا خستهلیگینین یاییلماسینا اهمیتلی تأثیر گؤستردیگینه دقت چکیب، دئدی: "یاغیشلار هم سویون کیفیتینه، هم ده مؤوجودلوغونا تأثیر ائدرک، سو ایله یولوخان خستهلیکلرین یاییلماسینا تأثیر گؤستریب."
ایدریس اؤلکهنین تکجه وبا اپیدمیسی ایله موباریزه آپارمادیغینی، عینی زاماندا ساری قیزدیرما، لاسا قیزدیرماسی و مننژیت کیمی دیگر تهلوکهلی خستهلیکلرین ده آرتدیغینی بیلدیریب.
ایونون 26-سیندا وبا اپیدمیسی سببیله "میللی فؤوقهلاده وضعیت" اعلان ائدیلن نیجریهده اؤتن ایل 3 میندن چوخ وبا حادثهسی گؤرولوب و اپیدمیده 100-دن چوخ اینسان حیاتینی ایتیریب.
