سدیم مصرفینین آزالدیلماسینین حیات قورتاریجی تأثیری وار
"ساغلیقسیز بسله‌نمه، کۆره‌سل اولاراق اؤنده گلن اؤلوم و خسته‌لیک سببیدیر، آشیری سدیم ایستیفاده‌سی ده پروبلئملرین آنا قایناقلاریندان بیریدیر"
دونیا ساغلیق هؤرگوتو، بیر چوخ خسته‌لیگین باشلاماسینا سبب اولان چوخ سدیم مصرفینین آزالدیلماسینین، حیات قورتاریجی تأثیرینین اولدوغونو بیلدیردی.
دونیا ساغلیق هؤرگوتو، ایلک دفعه سدیم مصرفینین آزالدیلماسینا باغلی کۆره‌سل راپور یاییملدی.
راپورا گؤره، دونیا، ۲۰۲۵ ایلینه قدر سدیم آلیمینین کۆره‌سل اولاراق یوزده ۳۰ آزالدیلماسینا دایر هدفیندن اوزاقلاشیر.
راپور‌دا گؤروشلرینه یئر وئریله‌ن دونیا ساغلیق هؤرگوتو باش مودورو تدروس ادهانوم گبریسوس،
"ساغلیقسیز بسله‌نمه، کۆره‌سل اولاراق اؤنده گلن اؤلوم و خسته‌لیک سببیدیر، آشیری سدیم ایستیفاده‌سی ده پروبلئملرین آنا قایناقلاریندان بیریدیر" ایفاده‌لرینی ایشلتدی.
گبریسوس، راپورون، بیر چوخ اؤلکه‌نین مجبوری سدیم آزالتما سیاستینی منیمسه‌مه‌دیگینی و اینسانلارین سکته، فلج و دیگر ساغلیق پروبلئملری ریسکیله قارشی قارشییا بوراخیلدیغینی عکس ائتدیردیگینی قید ائتدی.
دونیا ساغلیق هؤرگوتونون بوتون اؤلکه‌لره سدیم ایستیفاده‌سینی آزالتما چاغریسینی خاطیرلادان گبریسوس، اۆره‌تیچیلره ده غذالارداکی سدیم ایچه‌ریگی اوچون دونیا ساغلیق هؤرگوتو معیارلارینی تطبیق توصیه‌سی ائتدی.
کۆره‌سل اورتالاما دوز مصرفینین گونده ۱۰،۸ گرام اولدوغو تخمین ائدیلرکه‌ن بو رقمین، دونیا ساغلیق هؤرگوتونون گونده ۵ گرام‌دان (بیر چای قاشیغی) داها آز دوز توصیه‌سینین ایکی قاتی اولدوغو ایفاده ائدیلیر.
سدیمون تمل قایناغی سوفره دوزو (سدیم کلورور) اولارکه‌ن سدیم گلوتامات کیمی دیگر دادلاندیریجیلار دا بونلار آراسیندا یئر آلیر.
دونیا ساغلیق هؤرگوتو عضوو اؤلکه‌لرین یالنیز یوزده ۵ی مجبوری و احاطه‌لی سدیم آزالتما سیاستلری ایله قورونارکن عضو اؤلکه‌لرین یوزده ۷۳و، بو جور سیاستلری تام معناسییلا تطبیق ائتمیر.
اویغون خرجلرله تطبیق اولونابیله‌جک سدیم ایستیفاده‌سنین آزالتما سیاستلری ایله، دونیادا ۲۰۳۰ ایلینه قدر تخمیناً ۷ میلیون نفرین حیاتی قورتولابیلر. آنجاق بو گون یالنیز برزیل، شیلی، چکیا، لیتوانی، مالزی، مکزیک، سعودی عربیستان، ایسپانیا و اروگوئه، سدیم ایستیفاده‌سینی آزالتماق اوچون تکلیف ائدیله‌ن سیاستلری تطبیق ائدیر.
ایلگیلی‌لی خبرلر
تورکیه‌ده شدتلی باغیشلار سببی ایله ۱۰ نفر حیاتینی ایتیردی
شانلی اورفا و آدی‌یامان‌دا میدانا گلن سئل سببی ایله ۱۰ نفر حیاتینی ایتیردی
