۹ نفری اؤلدورن قافلان اؤلدورولدو

هیندیستانین بیهار ایالتینده ۹ نفری اؤلدوردویو معین ائدیلن قافلان، تشکیل ائدیلن عملیاتدا اؤلدورولدو.

بیهارین چامپاران بؤلگه‌سینده ۹ نفری اؤلدورن قافلانا قارشی ۲۰۰ پلیسله عملیات تشکیل ائدیلدی.

عملیاتدا قافلانین یئرینی معین ائتمک اوچون فیللردن ده ایستیفاده ائدیلدی. یئری تاپیلان ۳ یاشلی قافلان اؤلدورولدو.

ایالتین وحشی حیوانلاری قوروما مودورو کومار گوپتا، قافلان، "اینسان یاشامی اوچون تهلوکه‌لی" گؤرولدوگو اوچون عملیات باشلادیلدیغینی بیلدیردی.

گوپتا، ساکیتلشدیرمه گیریشیملرینین باشاریسیز اولماسی ایله حیوانین ائتکیسیز حالا گتیریلدیگینی ایفاده ائتدی.

هیندیستان، دونیاداکی قافلانلارین تخمیناً یۆزده یئتمیشینه ائو صاحیبلیگی ائدیر.

قافلانلارین، یاشادیقلاری قورونان بؤلگه‌لرین، حیوانلارین ساییسینین آرتیش نیسبتینین گئریسینده قالماسیلا، دوغال یاشاییش یئرلرینی ترک ائتدیکلری و اینسانلارا سالدیردیقلاری بیلدیریلیر.

رسمی بیلگیلره گؤره، هیندیستان‌دا قافلان سالدیریلاری نتیجه‌سینده هر ایل ۴۰-۵۰ نفر اؤلور.