هانس کلوژ: بیر سونراکی سالقین روح ساغلیغی سورونو
"پرما-کریز دئدیگیم بیر دؤنمده یاشاییریق، داواملی بیر بحران وار و بو اینسانلارین روحی وضعیتینیه تأثیر ائدیر"
دونیا ساغلیق هؤرگوتو آوروپا بؤلگه مودورو هانس کلوژ، روح ساغلیغی پروبلئملرینی "بیر سونراکی سالقین" اولاراق آدلاندیردی.
تورکیه‌نین فرقلی شهرلرینده گؤروشمه‌لر ائتمک و فعالیتلره قاتیلماق اوچون ۵ گونلوک سفر چرچیوه‌سینده ایستانبولا گلن هانس کلوژ، مطبوعاتا آچیقلامالار وئردی.
کۆره‌سللشمه‌نین تاثیری ایله اینسانلار آراسینداکی تماسین، حیوانلارلا اینسانلار آراسینداکی تماسین و اورمانسیزلاشما‌نین آرتدیغینا ایشاره ائد‌ن کلوژ، بونا قارشی قورخویا قاپیلماماق، داها یاخشی حاضرلانماق و دایانیشما ایچینده اولماق لازیم اولدوغونو سؤیله‌دی.
کلوژ، آوروپا بیرلیگی اؤلکه‌لرینده ۶ نفردن بیرینین سیخینتی، قایغی و یوخو پروبلئملری یاشادیغینا دقت چکدی.
اینسانلارین ایقلیم قونوسوندا راحاتسیز اولدوغونو، روسیا-اوکراینا و ایسرائیل-غزه آراسینداکی ساواشلاردان راحاتسیز‌لیق دویدوغونو ایفاده ائد‌ن کلوژ،
"پرما-کریز دئدیگیم بیر دؤنمده یاشاییریق، داواملی بیر بحران وار و بو اینسانلارین روحی وضعیتینیه تأثیر ائدیر" دئدی.
هانس کلوژ،
"روح ساغلیغی پروبلئملرینی 'بیر سونراکی سالقین' اولاراق آدلاندیریرام. دونیانین هر یئرینده، اؤزللیکله ده کووید-۱۹دا گنجلر ده تجرید آلتیندا ایدی و بو وضعیت، اینسانلارین روح ساغلیغینا دا تأثیر ائدیر. گنجلرده چوخ چوخ قایغی و یوخو پروبلئمی وار" دگرلندیرمه‌سینی وئردی.
