ایسپانیا-دا مئشه یانغین‌لاری داوام ائدیر

ایسپانیانین قوزیی – باتی سینداکی آراگون بؤلگه‌سینده باش وئرن مئشه یانغینی ایله علاقه‌دار 1300 نفرین تخلیه ائدیلدیگی آچیقلانیب.

آراگون یئرلی حکومتیندن وئریلن آچیقلامادا ساراگوزا-یا باغلی آنون دو مونکایو بولگه سینده آوقوستون 13-ده باشلایان مئشه یانغینی‌نین گوجلو کولک و حدیندن آرتیق ایستی هاوانین تأثیری ایله بؤیومه‌یه داوام ائتدیگی قئید ائدیلیب.

بیلدیریلیب کی، یانغینلا علاقه‌دار تهلوکه‌سیزلیک تدبیرلری چرچیوه‌سینده 8 یاشاییش منطقه‌سینده 1300-ا یاخین اینسان ائولرین‌دن تخلیه ائدیلیب.

اوچ فرق‌لی نقطه‌ده آکتیو اولان یانغی‌نین 8 مین هکتار اراضینی احاته ائتدیگی، 4 یولون نقلیاتین حرکتینه باغلاندیغی، 300 نفرلیک بیر قروپ عسگرین ده سؤندورولمه ایشلرینه قاتیلدیغی بیلدیریلیب.

مئشه یانغین‌لاریندا تاریخی‌نین ان پیس ایلینی کئچیرن ایسپانیا-دا ایلین اولیندن بو یانا 7 میندن چوخ یانغیندا 240 مین هکتار اراضی یانیب.