بوزلاقلارین اریمه نسبتی آرتدی
بوزلاق اریمه نیسبتی ایللیک اورتالاما یوزده ۲۸۰ آرتدی
گونئی یاریمکورهده آنتارکتیکا قارهسینده بوزلاق اریمه نیسبتینین، ۱۶ ایللیک مدتده ایللیک اورتالاما یوزده ۲۸۰ آرتدیغی بیلدیریلدی.
کالیفورنیا و اوترخت اونیورسیتهلری ایله آمریکا بیرلشمیش دؤولتلری هاواچیلیق و اوزای دایرهسی (ناسا) جت ایتیش لابراتورونون یئریتدیگی آراشدیرما، آنتارکتیکادا بوزلاقلاردا اریمه نیسبتینین، ۲۰۰۱-۲۰۱۷ آراسیندا ایلده اورتالاما یوزده ۲۸۰ آرتیش گؤستردیگینی اورتایا قویدو.
آراشدیرمادا ۱۹۷۹-۲۰۰۱ آراسیندا ایلده اورتالاما ۴۸ میلیارد تن بوزلاغین اریدیگی آنتارکتیکادا بو اریمهنین، ۲۰۰۱-۲۰۱۷ دسامبریندا ایلده ۱۳۴ میلیارد تنا چیخدیغینا ایشاره ائدیلدی.
بیلیم آداملاری، آنتارکتیکادا بوزلاقلارین اریمه سویهسیندهکی بو آرتیشین ۱۹۷۹-۲۰۱۷ دسامبریندا کورهسل دنیز سویو سویهلرینین تخمیناً بیر یاریم سانتیمتر قالخماسینا سبب اولدوغونا دقت چکدی.
آراشدیرما قروپونون باشقانی اریک راینوت، آنتارکتیکادا بوز قاتینین اریمهیه داوام ائتمهسی حالیندا گلهجک یوزایللرده دنیز سویو سویهلرینده قاره قایناقلی داها بؤیوک آرتیش گؤزلدیکلرینی قید ائتدی.