روسیادا الکل زهرلنمهسیندن اولنلرین سایی 71 –ه چاتدی
روسیادا وجود لوسیونو ایچهرهک الکل زهرلنمهسی نتیجهسینده اؤلنلرین سایی 71-ه یوکسلدی. یئرلی مطبوعاتدا چیخان خبرلره گؤره، 40 نفرین موالیجهسی ایسه داوام ائدیر.
روسیادا وجود لوسیونو ایچهرهک الکل زهرلنمهسی نتیجهسینده اؤلنلرین سایی 71-ه یوکسلدی. یئرلی مطبوعاتدا چیخان خبرلره گؤره، 40 نفرین موالیجهسی ایسه داوام ائدیر.
بو حادثهدن سونرا روسیا پرزیدنتی ولادیمیر پوتین ترکیبینده الکل اولان محصوللارین ساتیشی ایله باغلی جدی تدبیرلرین گؤرولمهسی بارده تعلیمات وئردی.
کرملین مطبوعات مرکزیندن وئریلن معلوماتدا ترکیبینده الکل اولان عطیر، لوسیون و تمیزلیک محصوللارینین ساتیشی ایله باغلی داها جیددی قانونلار تطبیق اولوناجاغی و بو نوع محصوللارین اتیکتلری ایله باغلی دوزنلهملرین اولاجاغی بیلدیریلیر.
معلوماتدا، عینی زاماندا، الکلی ایچکی قاچاقچیلارینا قارشی داها سرت جزالارین تطبیق اولوناجاغینا ایشاره ائدیلیر.
قئید ائدک کی، روسیا سوروشدورما کومیتهسی شوشهسینین اوستونده "داخیلی ایستیفاده اوچون دئییل" خبردارلیغینین اولماسینا باخمایاراق، لوسیونون الکلی ایچکی کیمی ایستیفاده ائدیلدیگینی آچیقلامیشدی.
