آمریکانین کالیفورنیا ایالتینده آرت آردا یانقینلار چیخیب
سن دیگونون گونئی-دوغوسوندا مکزیک مرزینه یاخین پوتررو بؤلگهسیندکی یانقین سببیله ده یوزلرله اینسان بؤلگهدن چیخاریلدی
آمریکانین کالیفورنیا ایالتینده سون ایللرین ان جدی قوراقلیغی تأثیرینی داوام ائتدیررکن، هاوالارین بیردن ایستیلشمسیله ایالتین فرقلی بؤلگهلرینده آرت آردا چیخان یانقینلار یاشاییش بؤلگهلری اوچون تهدید میدانا گتیریر.
هفته باشیندان بو یانا دوارت و آزوسا شهرلری یاخینلیغینداکی سان گابریل داغلاریندا باشلایان و یاشاییش ساحهلرینه دوغرو سرعتله یاییلاراق داوام ائدن یانقینلار، تخمینن 2 مین هکتار عراضینی تأثیری آلتینا آلدی.
مینین اوزرینده وظیفهلینین تانکرلر و هلیکوپترلرله مداخیله ائتدیگی لوس آنجلس میللی اورمانینداکی یانقین سببیله 858 ائو تخلیه ائدیلدی.
سان دیقونون گونئی-دوغوسوندا مکزیک مرزینه یاخین پوتررو بؤلگهسیندکی یانقین سببیله ده یوزلرله اینسان بؤلگهدن چیخاریلدی.
اوچ گوندور داوام ائدن و 2 مین 500 هکتار ساحهسی تأثیری آلتینا آلان یانقیندا بو آنا قدر 13 ائو ایستیفاده ائدیلمز حالا گلرکن، آلوولارین تهدید ائتدیگی مینه یاخین بینا اوچون ده بوشالدما امری وئریلدی.
مسئوللار، سان دیگو داوام ائدن یانقینین دا هله یوزده 15 نیسبتینده کونترول آلتینا آلیندیغینی بیلدیردی