تۆرک جمهوریتلرینده‌کی گلیشمه‌لر
علییئو: تۆرک دؤولتلری تشکیلاتی بیزیم اوچون تمل اولوسلارآراسی تشکیلاتدیر، چونکو او بیزیم عائله‌میزدیر. بیزیم باشقا عائله‌میز یوخ. تۆرک دونیاسی بیزیم عائله‌میزدیر
تۆرک جمهوریتلرینین عرب اؤلکه‌لری ایله ایلیشکیلری هر گئچه‌ن گون داها دا اینکیشاف ائتمکده‌دیر. گئچه‌ن هفته قازاقیستان و قیرقیزیستان جمهورباشقانلاری عرب اؤلکه‌لرینه سفر گئرچکلشدیردیلر.
قیرقیزیستان جمهورباشقانی سادیر جاپاروو ۱۲-۱۴ فوریه ۲۰۲۴ تاریخلرینده بیرلشمیش عرب امرلیکلرینه ایش سفری گئرچکلشدیردی. سادیر جاپاروو سفر چرچیوه‌سینده بیرلشمیش عرب امرلیکلری باشباخانی محمد راشد آل مکتوم، انرژی و آلت‌یاپی باخانی سهیل آل مزروعی ایله گؤروشمه‌لر گئرچکلشدیردی. قیرقیزیستان جمهورباشقانی جاپاروو دبی شهرینده گئرچکلشدیریلن ۱۰.جو دونیا حکومتلری ذیروه‌سینه قاتیلاراق ذیروه‌ده دانیشدی. جمهورباشقانی جاپاروو دبی ایسلام بانکی، ابوظبی قالخینما صاندیغی مسئوللاری، اماراتلی ایش آداملاری ایله ده آیری آیری گؤروشمه‌لر گئرچکلشدیردی.
قازاقیستان جمهورباشقانی قاسم جومرد توکایئو ۱۴ فوریه ۲۰۲۴ تاریخینده قطره سفر گئرچکلشدیردی. جمهور باشقانی توکایئو دوهادا مراسیمله قارشیلاندی. قاسم جومرد توکایئو قطر امیری تمیم بن حمد آل ثانی و قطر باشباخانی محمد بن عبدالرحمان آل ثانی ایله گؤروشدو. گؤروشمه‌لر سونوندا ایکی اؤلکه آراسیندا ۹ آنلاشما ایمضالاندی. سفر چرچیوه‌سینده قطر ایش آداملاری ایله یومرو ماسا ییغینجاغی گئرچکلشدیریلدی. جمهور باشقانی توکایئو بیلینن قطرلی ایش آداملاری ایله آیری آیری گؤروشمه‌لر ده گئرچکلشدیردی.
سون ایللرده تۆرک جمهوریتلرینین عرب اؤلکه‌لری ایله اوست دوزئی/سویه گؤروشمه‌لری سیخلاشدی. فوریه باشیندا ماجاریستان جمهورباشقانی کاتالین نوواک قطره سفر گئرچکلشدیرمیشدی.
اؤته یاندان، ماجاریستان جمهور باشقانی کاتالین نوواک اوشاق استیثماری سببی ایله محکوم اولموش بیر نفری باغیشلایاراق یانلیش ائتدیگینی ایفاده ائدیب قطر سفریندن قاییدان کیمی وظیفه‌سیندن استعفا وئردی. ماجاریستان مجلیسی یئنی جمهور باشقانینی ۳۰ گون ایچریسینده سئچه‌جک.
***
آذربایجاندا ۷ فوریه ۲۰۲۴ تاریخینده ائدیله‌ن جمهورباشقانلیغی سئچیمینی قازانان ایلهام علییئو، ۱۴ فوریه ۲۰۲۴ تاریخینده آذربایجان میللی مجلیسینده آند ایچرک وظیفه‌سینه باشلادی. جمهورباشقانی علییئوین میللی مجلیسده‌کی دانیشماسینا تۆرک بیرلیگی وورغوسو دامغاسینی ووردو. ایلهام علییئو، "اؤنجه تۆرک دؤولتلری تشکیلاتی چرچیوه‌سینده ایشلریمیزی داوام ائتدیرجییک. آچیقجا سؤیله‌مک ایسته‌ییرم کی بو بیزیم اوچون اؤنجه‌لیکدیر. تۆرک دؤولتلری تشکیلاتی بیزیم اوچون تمل اولوسلارآراسی تشکیلاتدیر، چونکو او بیزیم عائله‌میزدیر. بیزیم باشقا عائله‌میز یوخ. تۆرک دونیاسی بیزیم عائله‌میزدیر. تۆرک دؤولتلری تشکیلاتینین قلوبال ساحه‌ده اؤنملی بیر آکتور و گۆج مرکزی حالینا گلمه‌سی اوچون اورتاق چابا صرف ائتمه‌لیییک. بونو آنجاق بیرلیکده باجارابیلریک" ایفاده‌لرینی ایشلتدی. جمهورباشقانی علییئوین تۆرک دونیاسینا دایر آچیقلامالاری، تۆرک جمهوریتلری آراسینداکی قایناشمانین اولوسلارآراسی ساحه‌ده نه قدر اؤنملی حالا گلدیگینی اورتایا قویماقدادیر. جمهورباشقانی علییئوین دانیشماسینداکی نئو-موستملکه‌چیلیک وورغوسو دا چوخ اؤنملیدیر.
قاراباغ پروبلئمینین حلیندن سونرا آذربایجان تاریخینده یئنی بیر صفحه آچیلیر. بوندان سونرا آذربایجان یؤنه‌تیمی داها چوخ ایشغالدان قورتاریلان بؤلگه‌لرین قالخینما‌سی، جمهورباشقانی علییئوین ایفاده ائتدیگی کیمی تۆرک دونیاسینین اولوسلارآراسی ساحه‌ده داها دا گۆجلو اولماسی اوچون چابا گؤستره‌جک.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
