آوراسیا جمهوریتلرینین گوند‌می
شی جین‌پینگین روسیا سفرینه قارشیلیق اولاراق ژاپن باشباخانی فومیو کیشیدا اوکراینایا ایلک رسمی سفرینی گئرچکلشدیردی و اوکراینایا دستگینی آچیقلادی
آوراسیا جغرافیاسین‌دا گئچه‌ن هفته میدانا گلن ان اؤنملی حادثه، چین خالق جمهوریتی دؤولت باشقانی شی جین‌پینگین روسیایا تشکیل ائتدیگی رسمی سفر اولدو. ایندی سؤزو گئدن سفرین آیرینتیلارینا باخاجاغیق.
اوچونجو دؤور اوچون یئنی‌دن دؤولت باشقانی سئچیله‌ن شی جین‌پینگ ایلک خاریج سفرینی ۲۰-۲۲ مارس ۲۰۲۳ تاریخلرین‌ده روسیایا گئرچکلشدیردی. موسکوادا شی جین‌پینگ و روسیا دؤولت باشقانی ولادیمیر پوتین رسمی و رسمی اولمایان ایکی گؤروشمه ائتدیلر. ولادیمیر پوتین و شی جین‌پینگ، رسمی گؤروشمه‌نین سونون‌دا جامع اورتاقلیق و استراتژیک امکداشلیغین درینلشدیریلمه‌سینه دایر اورتاق بیلدیری ایمضالادیلار.
طرفلرین بو سفر اوچون واسواسلا حاضرلیق ائتدیگی بیلینیر. سفر عرفه‌سین‌ده روسیا دؤولت باشقانی چینین، چین دؤولت باشقانی روسیانین ان اؤنملی دؤولت قزئتلرین‌ده احاطه‌لی مقاله‌لر یاییملادیلار. روسیا-اوکراینا ساواشینین ایل دؤنومو اولان ۲۴ فوریه تاریخین‌ده چین خاریجی ایشلر باخانلیغی روسیا ایله اوکراینانی باریش ماساسینا دعوت ائدن ۱۲ ماده‌لیک سند یاییملادی. شی جین‌پینگین روسیا سفرین‌دن سونرا اوکراینا دؤولت باشقانی ولودیمیر زلنسکی ایله گؤروشه‌جگینه دایر بیلگیلر پایلاشیلدی.
شی جین‌پینگین روسیا سفرینه قارشیلیق اولاراق ژاپن باشباخانی فومیو کیشیدا اوکراینایا ایلک رسمی سفرینی گئرچکلشدیردی و اوکراینایا دستگینی آچیقلادی. بئله‌جه چینین روسیا و اوکراینانی باریشدیرما گیریشیملری هله‌لیک نتیجه‌سیز قالدی.
۱۷ مارس ۲۰۲۳ تاریخین‌ده اولوسلارآراسی جزا محکمه‌سی، روسیا دؤولت باشقانی ولادیمیر پوتین حاقین‌دا، "ساواش سوچلاری ایشله‌دیگی" ادعاسییلا حبس قراری چیخارمیشدی. چین خاریجی ایشلر باخانلیغی، لاهه‌ده‌کی محکمه‌یه "دؤولت باشقانلارینین توخونولمازلیغینا حؤرمت گؤستریلمه‌سی" چاغریسی ائتدی.
باتینین روسیایا تطبیق ائتدیگی تحریملر سببی ایله چین روسیانین ان بؤیوک تیجارت اورتاغی حالینا گلدی. ایکی اؤلکه‌نین اورتاق تیجارت حجمی ۲۰۲۲-جی ایلده ۱۸۰ میلیارد دلار اولاراق گئرچکلشدی. باشقا بیر دئییشله روسیانین چینه اولان آسیلیلیغی آرتدی.
شی جین‌پینگین موسکوایا گئرچکلشدیردیگی سفر دوغو بلوکونون باتی بلوکونا قارشی تشکیلاتلانماقدا اولدوغونا ایشاره ائدیر. روسیا اوزونو دوغویا چئویردی. دونیادا سیاسی بحران درینلشسه آوراسیا اؤلکه‌لری ده طرفینی سئچمک مجبوریتینده قالاجاقلار.
***
ایندی ده گئچه‌ن هفته دیگر آوراسیا اؤلکه‌لرین‌ده گئرچکلشن سفرلره باخاجاغیق.
۱۹-۲۰ مارس ۲۰۲۳ تاریخلرین‌ده تورکمنیستان جمهورباشقانی سردار بردی‌محمدوو قطره دؤولت سفری گئرچکلشدیردی. ۲۰ مارس تاریخین‌ده جمهورباشقانی بردی‌محمدوو قطر امیری تمیم بن حمد آل ثانی ایله گؤروشدو. گؤروشمه‌لر سونون‌دا ایکی اؤلکه آراسین‌دا یئددی آنلاشما ایمضالاندی. سفر چرچیوه‌سین‌ده جمهورباشقانی بردی‌محمدوو قطر تحصیل، بیلیم و توپلوسال قالخینما وقفینه گئتدی. بردی‌محمدوو آیریجا تانینمیش قطرلی ایش آداملاری ایله گؤروشدو. دوحه‌ده تورکمنیستان ائلچیلیگینین آچیلیش مراسیمی ائدیلدی.
۲۰ مارس ۲۰۲۳ تاریخین‌ده گورجوستان باشباخانی ایراکلی گاریباشویلی، اؤلکه‌یه رسمی سفر گئرچکلشدیرن صربیستان مجلیس باشقانی ولادیمیر اورلیچ ایله گؤروشدو. گؤروشمه‌ده ایکیلی ایلیشکیلر، آوروپا بیرلیگینه عضولوک مدتی، بؤله‌سل امکداشلیق مؤوضوعلاری اله آلیندی. ولادیمیر اورلیچ، گورجو قونومداشی شالوا پاپواشویلی ایله ده گؤروشدو.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
